29 June 2015
23:02 - АҚШнинг консуликларида виза бериш қайта тикланди
19 июндаги хабарларимиздан бирида АҚШнинг Ўзбекистондаги элчихонаси виза беришни техник сабаблар билан вақтинча тўхтатганини, муаммо фақат Ўзбекистонга тааллуқли эмаслигини билдирган эдик.

АҚШ Давлат Департаменти матбуот хизмати раҳбарининг ўринбосари Марк Тонерга асосланиб бугун тарқатилган хабарларга кўра, бу мамлакатнинг чет эллардаги ҳамма консуллик муассасаларида виза бериш тикланган ва муассасалар нормал режимга қайтганлар.

Унинг айтишича, ўртага чиққан ишкалларга қарамасдан, 21-чи июндан 29-чигача чет эллардаги АҚШ консулликлари 410 мингта ноиммиграцион виза берганлар.