12 June 2015
15:11 - Юсуф Жума: Ўзбеклар қирғини этади давом!

Ўзбек учун ҳар кун ўн учинчи май,
Ўн учинчи июн, ҳар кун қатлиом.
Дунё қадаҳида ўзбек хуни май,
Ўзбеклар қирғини этмоқда давом!

Ўзбек учун жаҳон -- қонли Андижон,
Қонли Ўш, ўз ери ўзи учун дом.
Бошида душмани, бошида қирон
Ўзбеклар қирғини этмоқда давом!

Токи чумчуқлардай ноаҳил, қўрқоқ,
Кўзи кўршапалак, ақли, ўйи хом.
Ҳатто ҳомиласи бўйнида пичоқ,
Ўзбеклар қирғини этади давом!

11 июн 2015 йил