02 June 2015
01:04 - Ўзбекистонда ҳам интернет орқали фирибгарлик ривожланмоқда
Мамлакат ривожланишдан орқада, деб жар солаётган мухолифатчилар бемаза бузоқнинг гўштини ебди, дейди “Огоҳ” газетасини ўқиган мухбиримиз. Нашрга кўра, Ўзбекистонда ҳам олға кетиш бор, ривожланиш бор. Масалан, Интернет орқали фирибгарлик қилишда ўзбеклар ҳеч кимдан орқада эмас.Масалан, Тошкентнинг Юнусобод туманида истиқомат қилувчи Венера исмли қиз интернет орқали қаллоблик қилишда айбланмоқда. У Одноклассники ижтимоий тармоғида “Гулида” исми билан рўйхатдан ўтиб, 1988 йили туғилган Дилдора исмли қиз билан танишган.

Сўнг унга кийим-кечак ва пардоз анжомларини сотиб беришини айтиб, 9 041 000 сўмлик буюмларини олиб қўйган. Аммо шундан кейин у Дилдора билан алоқани узган. Дилдора “дугонаси”нинг қайтишини икки ой кутиб, милицияга мурожаат қилган.

Милиция ходимларини қаллобни қисқа муддатда топиб, жиноий жавобгарликка тортишибди. Ўзбекистонда Интернетнинг назорат қилинишини танқид қилаётганлар ўзбек милициясининг бундай фойдали ишига нима деркин?
« Олдинги хабар Хабарлар рўйхати Кейинги хабар »