25 May 2015
22:45 - Қизиқ: Ражаб Эрдўғон “Ҳаракат”нинг эмас, “New York Times”нинг танқидларига жавоб берибди
АҚШнинг энг кучли ва машҳур “New York Times”газетасида “Туркия устида қора булутлар” номли мақола эълон қилинибди. Мақолада Туркияда 7 июнда бўладиган парламент сайловлари арафасида бу мамлакат аянчли аҳвол юзага келгани айтилган эмиш.

Маълумки, Туркия шу пайтгача парамент давлати бўлиб, Президент рамзий бир фигура эди. Ражаб Эрдўғон 7 июндаги парламент сайловларида бир маҳалла ўзи тузган Адолат ва Тикланиш Партияси (АТП) ғалаба қозонса, Туркияни президентлик давлатига айлантирмоқчи. Ҳуқуқ нуқатии назаридан бу табиий нарса. Ҳамма гап шундаки, Ражаб Эрдўғон ҳозирданоқ бутун ҳокимиятни қўлига олиб, президентликдан ҳам кўпроқ диктаторликни эслатувчи давлат қуриш ниятида эканлиги очиқча кўрсатмоқда.

Туркия Президенти Ражаб Эрдўғон бугун “Президентлик системаси учун ўрнак бўладиган давлатлдар ва президентлик системасининг асосий динаимкалар” номли конференцияда нутқ сўзлар экан, New York Times газетасига ташланган. Унинг бунга ҳам ҳаққи бор. Аммо, Туркия газеталарида берилган хабарларга кўра, Ражаб Эрдўғон АҚШ газетасининг иддаоларига жавоб бермасдан, “Сен кимсан ўзи, ҳаддингдан ошма, бизнинг ишга бурнингни тиқма” деса бўладиган маънодаги сўзлар билан чекланган.

Бу хабарнинг қизиқлиги шундаки, “Ҳаракат” Агентлиги Ражаб Эрдўғон ва унинг АТПси мамлактни исломлаштириш ва диктаторлаштириш йўлидан кетаётгани, бу нарса Туркиянинг ўзи учун ҳам, Турк Дунёси учун ҳам яхши бўлмаслигини йиллардан бери ёзиб келмоқда. Дунёга танилиб бораётган “Ҳаракат” Агентлигининг бу айбномаларини Ражаб Эрдўғон эшитмаган бўлиши мумкин эмас. У қандайдир “Ҳаракат”га жавоб беришни лозим топмаган бўлса, буни ҳам ҳозирча тушуниш мумкин.

Аммо, вақти келади, жавоб беришга мажбур бўлади. Чунки, ҳали ҳеч ким Ислом дини билан боғлиқ масалаларда “Ҳаракат” каби асосли ва прогрессив фикрлар айтолгани йўқ.