Интернетдаги ишонса бўладиган хабарларга кўра, ўтган асрнинг 60-чи йилларидан бери Ўзбекистон Коммунистик Партиясида икки марта юксак лавозимларда ишлаган, СССР парламентининг палаталаридан бирининг раислигигача кўтарилган Рафиқ Нишоновнинг қизи оламдан ўтди. Хабарларда у аёлнинг исми ва неча ёшда эканлиги айтилмайди.

Аммо, Тошкент вилоятининг Ғазалкент қишлоғида 1926 йилда туғилган Рафиқ Нишонов кўпчилик танийдиган сиёсатчидир.

“Бирлик” Партияси раиси Абдураҳим Пўлат ўзининг сиёсатлаштирилган таъзиясини шундай изҳор қилди:

Ота-оналарнинг дунёдан ўтиши қанчалик оғир бўлмасин, барибир, маълум маънода табиий қабул қилинади. Аммо, ота-онага фарзандни йўқотиш - ўта оғирдир. Рафиқ ака, Ўзбекистоннинг мустақиллиги учун курашда барикаданинг қарши тарафларида бўлганмиз. Шундай бўлса ҳам, чин кўнгилдан Сизга узоқ умр тилайман. Қизингиз оламдан ўтганига чидаш керак, мен икки фарзандимни улар ҳали болалигида тупроққа берганман. Яъни, бунинг қанчалик оғир эканлигини биламан. Қизингизнинг жойи жаннатда бўлсин.

Айни замонда, шуни ҳам айтмоқчиман. Миллат ва уммат ҳозир шундай ғариб аҳволдаки, биз тўйда ҳам азада ҳам уларнинг тақдири ҳақида ўйлашга мажбурмиз. Ҳозир Сизга Оллоҳдан сабр берилишини истайдиганлар кўп бўлади. Оллоҳ Сизга сабр бериш ўрнига қизингизга узоқ умр берса бўлмасмиди? Ахир, ҳамма нарса Оллоҳданку!!!!! Умр берган ҳам Оллоҳ, умрни олувчи ҳам Оллоҳ. Миллат ва уммат бу каби нарсаларни ўйлашни ўрганмаса, ўзбеклар кечагина отдан тушган қозоқларнинг, уммат эса яҳудий ва насронийларнинг хизматкори бўлиб умрбод қолаверади.