21 May 2015
07:13 - Исроил Бош вазирининг Эрон ва Филистин бўйича фикрлари
Шу йил 17 мартда ўтказилган парламент сайловларида Бош вазир Бенямин Натаняхунинг Ликуд партияси 120 кишилик парламентда 30 ўрин олиб, нисбий кўпчилик мақомига эга бўлгандан кейин, у янги колалиция тузишга киришганини хабар қилгач, бу воқега қайта қайтмаган эдик.

Катта қийинчликлар билан Натаняху кўпчлик коалициясини тузди ва бир неча кун аввал қайтадан Бош вазир этиб тайинланди.

У сайлов олди кампанияси давридаёқ Эроннинг ядровий программаси масаласида юмшоқлик қилаётган АҚШни танқид қилган ва Эрон ҳеч қачон Ғарбга дўст бўлмаслиги, унинг мақсади Ғарбни йўқ қилиш эканлигини гапирганди. У сайловдан кейин АҚШ Конгрессида сўзлаган оташин нутқида ҳам шу тезисини такрорлади.

Аслида, дейди мухбиримиз, бу масалада Исроил Бош вазири ҳақ бўлса керак. Ислом фанатизмининг рамзларидан бири бўлган Эрон ҳеч қачон ядровий қурол яратиш режасидан ва Ғарбни йўқ қилиш ниятидан қайтмайди.

Бенямин Натаняху яна ўша сайлов олди кампанияси даврида “Мен Бош вазир эканман Филистин давлати бўлмайди” деган эди. Кеча у ЕИнинг ташқи ишлар ва сиёсий хавфсизлик бўйича Бош комиссари Федерика Могерини билан учрашар экан, Филистин масаласида юмшаганини кўрсатишга ҳаракат қилибди ва мен “икки халқ – икки давлат” принципи тарафдориман дебди. Икки кун аввал эса, Қуддус ҳеч қачон иккига бўлинмаслигини гапирганди

Тўғрисини айтса, Бенямин Натаняхунинг Филистин давлати масаласида юмшаганига ҳам ишониш қийин. У дунёнинг босими остидагина ўзгариши мумкин. Аммо, Қуддуснинг бир қисми Филистинга ҳеч қачон берилмаса керак.
« Олдинги хабар Хабарлар рўйхати Кейинги хабар »