Ўтмишдаги ўзкомпартиянинг меросхўри бўлган Ўзбекистон Халқ-Демократик Партияси раиси ўринбосари Рустам Комилов Пекинг сафар қилди ва Хитой Коммунистик Партияси Марказий қўмитаси ташкилий бўлими раҳбари ва политбюро аъзоси Чжао Лэцзи билан учрашди. ЎзХДП Хитой Коммунистик Партияси билан дўстона алоқалар ўрнатиш, “Ипак йўли иқтисодий камари” лойиҳаларида фаол иштирок этиш ва иккала давлат ўртасида ҳамкорликни йўлга қўйишни режалаштиришмоқда эмиш.

Чжао Лэцзи ҳам шу руҳда гапирган: “Хитой Ўзбекистоннинг турли партиялари билан муносабатлар, алоқалар турларини фаоллаштиришни ҳамда юқори даражада Хитой-Ўзбекистон стратегик ҳамкорлик муносабатларини ривожлантиришни биргаликда йўлга қўйишга тайёр”.
ХДП делегациясига яқиндаги масхарабозлик билан ўтган сайловларда партиянинг президентликка номзоди бўлган Ҳотамжон Кетмоновнинг киритлмагани қизиқ, дейди мухбиримиз.

Вақти келади, Ўзбекистонда 2 кун аввал Украинада қабул қилингани каби мамлакат ва жамиятини нокоммунистлаштиришга қаратилган қонунлар қабул қилинади. Ўшанда Ўзкомпартиянинг ворислари ҳам миллат олдида жавоб берадилар.