15 May 2015
21:05 - Фарғонада рўмол ва дўппига қарши кампания бошланди
Инсон ҳуқуқлари “Эзгулик” жамиятининг Фарғона вилояти бўлими фаолларига кўра, Қўқон шаҳридаги бозор ва жамоатчилик жойларига рўмолини ҳижобга ўхшатиб ўраган ва оқ дастор дўппи кийган эркакларнинг кириши таъқиқланди. Бозор ва истироҳат боғлари пештоқига бир қулоч келадиган баннерларга бундай либослар билан бу ерга кириш мумкин эмаслиги ёзиб қўйилди.

Шунингдек, мазкур қоида бу ерга ташриф буюрган хорижий давлат фуқароларига ҳам тегишли бўлиб, Ислом Карим режимининг бу ишлардан мақсади - диний эркинликларни бўғиш ва шу усул билан ислом фанатизми, экстремизми ва терроризми олдини олишга қаратилган урушнинг самарадорлигини ошириш бўлса керак.

Аслида, дейди мухбиримиз, бундай йўллар билан ислом фанатизми, экстремизми ва терроризми олдини олиб бўлмайди. Ислом динида инқилобий ислохотлар қилиниши, ислом дини дунёвийлик принципини тан олишига эришиш лозим. Аана ўшанда, дўппи ва ҳижоб каби нарсалар ўз-ўзидан актуаллигини йўқотади.