11 May 2015
21:35 - АҚШ Давлат Котиби Сочига келиб, Россиянинг президенти ва бош дипломати билан учрашади
Россия ахборот воситалари АҚШ Давлат Котиби Жон Керри 12 май куни Сочига келиши ва у ерда Россия ташқи ишлар вазири Сергей Лавров билан учрашуви режалаштирилганини билдирдилар. Сергей Лавровга кўра, учрашувда АҚШ-Россия ўртасидаги ҳамма муаммолар муҳокама қилинади. Аммо, тахмин қилиш қийин эмаски, асосий мавзу Украина бўлади.

АҚШ Давлат Департаменти Жон Керри Россия Президенти Владимир Путин билан учрашиши режалаштирилганини иддао қилмоқда. Россия тарафи эса, бу учрашув ҳали тасдиқланмагани билдирмоқда.

Маълумки, Владимр Путин бугун Сочида бир кун дам олиши ва кейин яна бир ҳафта ўша ерда муҳим учрашувлар ўтказмоқчи эканлиги аввалдан хабар қилинганди. Шундай экан, Керрининг Путин билан учрашуви аниқ эканлигини айтиш мумкин.
« Олдинги хабар Хабарлар рўйхати Кейинги хабар »