09 May 2015
16:03 - Москвада Улуғ Ваатан Урушидаги ғалабанинг 70 йиллиги нишонланмоқда, Ислом Карим оламшумул башорат қилди
Дунё Иккинчи Жаҳон Уруши деса ҳам, аввал СССР, ҳозир Россияда Улуғ Ватан Уруши деб айтиладиган урушда немис фашизми устидан қозонилган ғалабанинг 70 йиллиги Москванинг Қизил майдонида ҳарбий парад билан нишонланди.

Руларнинг “Новости” агентлиги бу тантаналарда қатнашиш учун собиқ Совет республикларидан қуйидагиларнинг президентлари келганини билдирди: Озорбайжон, Арманистон, Белоруссия, Қозоғистон, Қирғизистон, Тожикистон, Туркманистон, Ўзбекистон. Бу рўйхатга Белорусия нимага киритилганини тушуниш қийин. Белорусия Президенти Александр Лукашенко бугун Минскда ўз тантаналарини ўтказмоқда. У Москвага кеча келиб МДҲ саммитида иштирок этиб кетган эди.

Булардан ташқари Москвага қуйидаги мамлакатларнинг лидерлари ҳам келгани яна ўша “Новоси”нинг хабарида бор: Хитой, Ҳиндистон, Жанубий Африка, Венесуэла, Вьетнам, Куба, Германия, Чехия, Словакия, Сербия, Босния ва Герцеговина, Македония, Қибрис (Кипр), Зимбабве, Монголия, Филистин, Абхазия ва Жанубий Осетия. Москвага БМТнинг Бош Котиби ҳам келган. Бу рўйхатга Германия нимага киритилгани ҳам қизиқ. Бу мамлакатнинг канцлери Ангела Маркел Москвага эртага келмоқчи.

Маълумки, Ғарб давлатларининг лидерлари, Япония, Жанубий Осиё ва Австралия ҳам уларнинг ичида, Россиянинг Украинага нисбатан агрессорлик сиёсати сабабли Москвага келмасликка қарор қилганлар.

Эрталаб парад бошланишидан аввал Россия Президенти Владимир Путин нутқ сўзлади. Кейин тарихда биринчи марта урушда ҳалок бўлганлар хотирасига 1 дақиқалик сукунат эълон қилди. Бир соатча давом этган парад давомида Қизил майдондан пиёда қўшинлар ва ҳарбий техника ўтди, кейин осмонда ҳарбий учоқлар учди.

Параддан кейин Владимир Путин меҳмонлар билан биргаликда Номаълум Аскар қабрига гулчамбар қўйди, сўнгра Кремлдаги саройлардан бирида тантанали қабул маросими ўтказди. Бу ерда ҳам нутқ сўзлади.

“Новости” агентлигининг хабарига илова қилинган ўнлаб расмларнинг биронтасида Ўзбекистон Президенти Ислом Карим кўринмайди. Аммо, ЎзА агентлиги унинг кеча МДҲ норасмий саммитида айтган қуйидаги сўзларини келтиради: “Яна бир жаҳон уруши бўлса, бу охирги уруш бўлади.” Режимбошимизнинг ҳеч ким қилолмайдигшан оламшумул башоратига қойил қолиш керак.У киши тўғри айтада, яна жаҳон уруши бўлса, дунё йўқ бўлади, осмони доим тинч бўлган ва бўладиган Ўзбекистонгина қолади. Яхши, шундан кейин ўзбеклар бировларга мадикорлик қилишдан қутиладилар.