29 April 2015
08:07 - Ўзбекистон Украина орқали пахта экспортини ривожлантирмоқчи

Ўзбекистоннинг Украинадаги Фавқулодда ва мухтор элчиси Алишер Абдуалиев шу мамлакатнинг Инфраструктура вазири Андрей Пивоваров билан учрашди. Учрашув чоғида дипломатимиз икки давлат ўртасидаги ҳамкорликни ривожлантириш истиқболлари ҳақида гапира туриб, автомобиль, темир йўл ва авиация транзити соҳасидаги ҳамкорликни кенгайтириш масаласини кўтарган. Элчимизга кўра, Ўзбекистон Украинанинг Қора денгизи бўйидаги Ильичёвск порти орқали пахта экспорти ҳажмини оширишни кўзламоқда, бу ҳақда украин расмийлари билан музокаралар бормоқда.

Шунингдек, суҳбат чоғида Тошкентни Львов ва Херсон шаҳарлари билан авиарейс орқали боғлаш масаласини кўриб чиқиш борасида келишувга эришилган.
« Олдинги хабар Хабарлар рўйхати Кейинги хабар »