19 April 2015
15:52 - Даҳшат: Ливиядан Италияга кемада келаётган 700 мигрант ҳалок бўлди, ўзбеклар бошқа денгизида чўкмоқда
Жаҳон агентликларининг диққат марказида Ливиядан Италияга мигрантлар олиб келаётган кеманинг тўнтарилиши натижасида тахминан 700 кишининг ҳалок бўлгани турибди. Маълум бўлишича, 20 метрлик балиқчилик кемаси Ливия чегарасидан 100 километрча узоқликда, Италияга тегишли бўлган Лампедуза ороли яқинида ҳалокатга учраган. Бечора мигрантлар 20 метрлик кемага, бошқа бир ерда олинган расмдагидек, тахланган бўлса керак.

Бу даҳшатли воқеанинг асл сабаби – қашшоқлик гирдобида қолган Африка мамлакатларидан одамлар иш қидириб Еврорпа Иттифоқига қочаётганларидир. Бу йилнинг ўзи Африкадан Европага меҳнат муҳожирларини олиб келаётган кемаларнинг у ёки бу шаклдаги ҳалокатлари туфайли 1,5 мингдан кўпроқ одам ҳалок бўлибди. Уларнинг мутлақо кўпчилиги мумулмон эканлиги ҳам маълум.

Қизиғи шундаки, мусулмон мамлакатларининг бундай воқеалар билан иши йўқ экан, халқаро ташкилотялар Ўрта ер денгизида бўлаётган ҳалокатларнинг олдини олиш учун етарлича ҳаракат қилмаётган Европа Иттифоқини танқид қилмоқдалар. Reuters агентлиги ЕИнинг Ташқи сиёсат ва хавфсизлик сиёсати бўйича Бош комиссари (ташқи ишлар вазири деса ҳам бўлади) Федерика Могеринига асосланиб хабар беришича, эртага Люксембургда ЕИга кирувчи мамлакатлар ташқи ишлар вазирлари тўпланиб, мигрантлар масаласини муҳокама қилишмоқчи.

Унутмайликки, дейди мухбиримиз, қашшолик сабабли ривожланган мамлакатларга иш қидириб кетаётганлари кўп бўлган миллатлар ичида ўзбеклар олдинги сафда. Шунинг учун бизни Россия ва Қозоғистондан денгиз ажратиб турмаганидан, Орол денгизи қуриганидан хурсанд бўлишимиз керак. Акс ҳолда, бизнинг нолегел мигрантларимиз бугун Ўрта Ер денгизида бўлгани каби, ўз денгизлаимизда юзлаб қурбонлар берган бўлардилар.

Бир маҳаллар Ислом Карим денгизларга чиқиш йўлимиз йўқлигидан нолиганда, аввал ўзбек миллатининг ифтихорларидан бўлиб, ҳозир чўчқасига айланган шоир Абдулла Орипов “Ислом ака, бизлар учун денгиз ўзингиз” деб шеър ҳам ёзган эди. Бизни бундай бахт ҳам фожеадан қутқаролмади.

Мана энди ўзбек миллати Ислом Карим номли денгизда чўкмоқда. Чўксак чўкaваремиз, муҳим бўлгани, осмонимиз тинчку!
« Олдинги хабар Хабарлар рўйхати Кейинги хабар »