Нью-Йорк фондлар биржасининг асосий индекси Dow Jones ўтган ҳафтанининг охрида 18058 да тўхтагани, биржада умуман олганда барқарорлик борлиги, бу нарса АҚШ иқтисоди барқарор ривожланиб бораётганининг кўрсатгичи эканлигини ёзган эдик.

Жорийдаги ҳафтаданинг душанба-пайшанба кунлари ҳам Dow Jones индекси зиг-загли чиқиб-тушишларга қарамасдан барқарорлигини кўрсатиб турди. Аммо, жума куни эрталаб, бир неча дақиқада 250 поғанага тушиб кетди, кейин бироз барқарорлашди, аммо кунлик тушиш 280 бўлди. Хуллас, биржа бекилганда Dow Jones индекси 17,826 га тенг эди.

Биржа экспертлари бундай тушишининг сабаби сифатида Хитода киритилиши мумкин бўлган янги савдо қоидалари ва Юнонистон еврозонанини таҳликага тушириши мумкин бўлган қадамлар қилиши билан боғлиқ хавотирликларни кўрсатдилар.

Аммо, булар жиддий эмас, дейди “Ҳаракат” мухбири. Аввал ҳам кўп марта айтганимиздек, Нью-Йорк фондлар биржаси каби мураккаб системаларда ҳамма нарсани ҳар доим тўғри-ҳисоб китиб қилиб бўлмайди. Бундай системаларда кутилмаган қисқа вақтли кескин ўзгаришлар бўлиб туриши мумкин. Уларни кузатиб бориш шарт албатта, аммо ҳар бир ўзгаришга сабаб қидириш бефойда. Кўрамиз, янги ҳафтада нималар бўлади.

Ҳозир эса, аввалари ҳам айтган бир фикримизни яна қайтариш фойдали эканлигини урғуламоқчимиз.

АҚШда ишлаётган ўзбеклар ҳам, бошқа мамлакатларда яшаётган ўзбеклар ҳам, фондлар бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмайдиган Dow Jones каби индекслар билан яшашни ўрганишлари, пулларини фақат банкларда эмас, фондлар бозорининг акцияларида ҳам сақлашни ўрганишлари лозим.

Ўзбекистондаги ота-оналарга ёрдам бериш шарт, аммо у ерга ортиқча пул юбориш ўзбекларнинг душмани бўлган мавжуд режимга хизмат қилиш ва пулни сувга оқизишдир. Ўзбеклар чет элларда ҳам ош ейиш ва Ўзбекистонга пул юборишдан ташқари, ишлаётган мамлакатларида пул йиғиб, кичкина бўлса ҳам ўз бизнесларини очиш устида ўйласалар, фойдали бўлади.

Айнан шундай одамлардан кейинчалик катта бизнесменлар чиқади. Ана ундан кейин Ўзбекистонда ҳам бизнес очишни ўйлаш мумкин. Акс ҳолда, бутун дунёни мардикорлар билан тўлатиб юраверамиз.

Расмда - Нью-Йорк фондлар биржаси ҳам жойлашган машҳур Wall St (Уолл-стрит).