17 April 2015
02:04 - Киевда ўзбекистонлик қотил ҳибсга олинди, ўзбек миллати нимани ўйлаши керак?

Украина ҳуқуқни муҳофаза қилиш идоралари томонидан Россия, Украина ва Ўзбекистонда бир қатор қотиллик жиноятларини содир этганликда гумонланган ўзбекистонлик 41 ёшли фуқаро қўлга олинди. Тергов тахминига кўра, жиноятчи камида 9 нафар аёлни, шулардан 5 нафарини Россия ҳудудида ўлдирган.

Бир қанча муддат илгари жиноятчи гул дўкони сотувчисига ҳужум қилган. Аммо, сотувчи аёл тирик қолган ва айнан у зўравонни аниқлашга ёрдам берган. Ички ишлар олган маълумотга кўра, қўлга олинган шахс босқинчилик ва ўғирлик учун тўрт маротаба судланган бўлиб, 2014 йилнинг ноябрь ойида қамоқдан чиққан.

Миллионлаб ўзбеклар Ўзбекистонда нон тополмай, тирикчилик учун чет элларга кетишга мажбур қолдилар. Уларнинг кўпчилии пешона териси билан ватанда қолган оиласини боқиш билан овора экан, баъзи бирлари Киевдаги ўзбек қотили каби, чет элда ҳам ўз мутахассисликлари бўйича иш қилётганлари табиийдир.

Ўзбек миллати буларнинг эмас, ойлаб-йиллаб оиласини ҳам кўрмасдан, ижтимоий ва ҳуқуқий ҳимояланмасдан чет элда мардикорчилик қилаётган ватандошларимизнинг тақдирини ўйлаши керак.