Халқаро Валюта Фондининг русча саҳифасида 14 апрелда эълон қилинган маълумотларга кўра, Ўзбекистон иқтисодининг 2015 йилдаги ўсиши 6,2% бўлиши прогноз қилинди. Маълумки, Ўзбекистон Президенти Ислом Карим 2014 йилги ўсиш 8,1% бўлганини айтган эди.

Жаҳон бўйича ўртача ўсиш 3,5%, ривожланган давлатларда эса ўтган йили 1,8% бўлиб, бу йил 2,4% бўлиши прогноз қилинаётган экан, Ўзбекистонда ўсиш 6,2% бўлишидан дўппимизни осмонга отишимиз керакмасми? Керак, аммо, отишдан олдин бироз каллани ишлатишдан фойда бор.

Ҳамма гап шундаки, Ўзбекистондаги ўсиш - бир сўм пули бор бўлган гадой яна 8 тийин топиб, бойлиги 8 фоизга ўсиши билан мақтанишини эслатади. Шунга ҳам хурсанд бўлардик, битта “аммо” бўлмаса.

“Аммо” шундан иборатки, молиявий масалалар бўйича дунёча машҳур бўлган Bloomberg агентлигининг маълумотларига кўра, Қозоғистон дунёнинг иқтисодиёти энг тез ривожланаётган 11 мамлакатнинг биридир. Тез ривожланаётган 20 давлатнинг рўйхатини Хитой бошқармоқда. Хитойдан кейинги ўринларни Филиппин, Кения, Ҳиндистон ва Индонезия эгаллаган. Кучли ўнликдан Нигерия, Малайзия, Перу, Таиланд ва БАА ўрин олган бўлса, Марказий Осиёдан ягона вакил – Қозоғистон 11-чи бўлган. Унинг ўрни кейинги йили юқорилаши мумкин. Ундан кейинги ўринларда Колумбия, Саудия Арабистони, Тайвань, Туркия, Жанубий Корея каби мамлакатлар бор. Яқин келажакда Қозоғистон бундан ҳам юқори ўринга чиқиши айтилмоқда.

Қизиғи шундаки, бу рўйхатнинг бошида турган Хитой, Филиппин, Кения, Ҳиндистон ва Индонезия давлатларининг иқтисоди бу йил 5 фоизга ортиши тахмин этилмоқда. Бизда эса, 6,2% фоиз ўсиш бўлармиш. Шундай экан, нимага Ўзбекистон дунёнинг иқтисодиёти энг тез ривожланаётгань давлатлари рўйхатига киритилмаган? Чунки, Ўзбекистон ўз иқтисоди ҳақида тарқатаётган рақамларга ишонадиган аҳмоқ йўқ, Bloomberg ҳам шундайлардан.

Шундай бўлса ҳам, масаланинг бошқа бир жиҳатини урғуламоқчимиз. “Ҳаракат” Агентлиги 2008 йилда бошланган молиявий-иқтисодий кризис аввал ривожланган давлатларни урганини, бу зарба кейин ўртача ривожланган, кейин эса паст ривожланган давлатларги, жумладан, Ўзбекистонга етиб келишини йиллардан бери айтиб келарди. Айнан шундай бўлмоқда. Қашшоқ Ўзбекистонимиз ҳам кризисга қараб кетмоқда. Демак, аҳволимиз “вой” бўлади.

Аҳволни тузатишга қодир биўлган ягона куч “Бирлик” Партиясидир. Айнан шу партия ўзбек миллати ва Ўзбекистон давлатининг аҳволига тўғри диагноз қўя олдими, демак, уни тузатишни ҳам фақат “Бирлик “ билади.