12 April 2015
15:44 - Ўлимга ҳукм қилинган Бангладеш Жамоат-и Исломий партияси лидери кечаси осилди
Associated Press агентлигининг бу ҳақдаги хабари минглаб кишилар Бангладеш пойтахтида майдонларга чиқиб, ўлим ҳукми ижро этилганини олқишлаганларини билдириш билан бошланади. Унинг тарафдорлари ҳам чиқса, ўртада жанжаллар чиқишига йўл қўймаслик учун, полиция тайёр эканлиги ҳам айтилади.

Бангладеш Покистондан мустақил бўлиш 1971 йили олиб борилган уруш пайтида Жамоат-и Исломий партияси Покистон аримияси билан ҳамкорлик қилган ва кўплаб бегуноҳ одамларнинг ўлдирилишига сабабчи бўлган экан. Айнан ўша пайтдаги айблари учун партия лидери Муҳаммад Камаруззамон 1 йилдан ҳам аввал ўлимга маҳкум қилинган эди. Ҳукм бугун кечаси ижро этилган ва акасининг айтишича, бугун кўмилган.

Ўша йиллардаги айблар бўйича бу партиянинг яна бир қатор раҳбарлари ўлимга маҳкум қилнгани ҳақидаги хабарларга таҳлил берар экан, “Ҳаракат” агентлиги 2014 йил 31 январда шундай ифодалар ишлатган эди:

“Бангладешда исломий партия лидерларнинг бу шаклда жазоланиши тасодифий эмас. 1971 йилда Покистондан ажралиб чиқиб мустақил бўлган бу мамлакатда ҳали ҳам тўла барқарорлик йўқ, ҳозир ҳокимиятда бўлган дунёвийчилар исломий партияларнинг кучланиб кетишидан кўрқмоқдалар.

Исломда чуқур ислоҳотлар ўтказилиб, Ислом дини дунёвийлик принципини тан олмаса, ўрта арларга қайтмаслик учун, исломий партияларни куч билан ушлаб туришдан бошқа йўл йўққа ўхшамоқда.”

Расмда – Муҳаммад Камаруззамоннинг ўлимини мамлакат пойтахти Даккада ғалаба сифатида олқишлаётганлар.