09 April 2015
07:20 - Масхарабозлик ҳар ерда бор: Обаманинг мақсади АҚШни кучсизлантириш эмиш
Яҳудийлар лоббисига тегишли Fox News телеканали собиқ вице-призидент Дик Чейнининг қандайдир радиога берган интервьюсидан қуйидаги сўзларни келтиради:

“Мен ўзим эшитган турли назариялар устида кўп ўйладим. Тушунинг, сизлардан биронтангиз президент бўлиб, Американи таҳқирлашни истасангиз, бизнинг жаҳондаги позицияларимизни кучсизлантирмоқчи бўлсангиз, бўлаётган жараёнларга таъсиримизни камайтиришга ҳаракат қилсангиз, иттифодошларимизга орқа ўгириб, душманларимизни рағбатлантирмоқчи бўлсангиз, худди Барак Обама қилаётган ишларни қилган бўлардингиз.”

Дик Чейнига кўра, Обама ўзидан кейинги президентнинг елкасига оғир юк қўйиб кетмоқда. Бу - Эрон масаласадир.

Собиқ вице-президент Барак Обамани эндигина танқид қилаётган йўқ, дейилади бу хусусдаги хабарларда. У аввалроқ Барак Обама ўзи билган президентлар ичида энг ёмони эканлигини ҳам айтган экан

Дик Чейни Обамани ҳатто ёқтирмаслиги, унинг ишларини танқид қилиши мумкин, унинг Эрон хусусидаги гапларида жон ҳам бор, дейди мухбиримиз. Аммо, ҳозирги президент Американи таҳқирлаётгани, кучсизлантираётгани, иттифоқдошларига орқа ўгираётганини гапириш ножиддийликдир. Бундай сўзлар собиқ вице-призидентдан чиқиши масхарабозликга ўхшаб кетмоқда.
« Олдинги хабар Хабарлар рўйхати Кейинги хабар »