06 April 2015
10:33 - Туркияда Фатхулла Гулен ташкилотига қарши кураш яна ҳам авжига чиқмоқда
Ҳозирги Туркия Президенти Ражаб Эрдўғонни доим зимдан қўллаб-қувватлаб келган фатхулла-гуленчиларнинг “Хизмат” ҳаракати, табиий, ўз хизматига яраша мавжуд ҳокимиятда кучли мавқега эга бўлди. Сўнгри, ҳокимият учун ички кураш бошланди. 1,5 йилча аввал, аниқроғи, 2013 йилнинг декабрь ойида фатхулла-гуленчиларнинг ҳуқуқ тартибот органлари ичидаги одамлари Ражаб Эрдўғоннинг яқин одамларини порхўрлик ва коррупция бўйича айблаб қамоққа ҳибсга олдилар. Ҳибсга олингаларнинг уйларида миллионлаб долларлик нақд пуллар топилди.

Лекин, бу босқичда ҳокимият бошида турган Ражаб Эрдўғоннинг қўли баланд келди. У аввал қўлга тушган олдамларини истеъфога жўнатди, амм, бироз вақт ўтказиб, фатхулла-гуленчиларни давлат ичида параллель давлат тузишда, давлат тўнтаришига тайёргарлик қилишда айблаб, айнан уларни оммавий қаматишга бошлади.

Шу кунларда “Хизмат” ҳаракатига қарши курашнинг, балки, урушнинг янги босқичи бошланди. Кеча Туркия қуролли кучларида хизмат қилаётган асосан ўрта ва пастроқ унвонли 30 га яқин офицер ҳибсга олинди. Уларга “Сиёсий ва ҳарбий жосуслик, давлат сирларини қасддан очиқлаш” каби айблар қўйилмоқда.

Маълумки, Фатхулла Гуленнинг ўзи ҳозир АҚШда яшайди. У шу йил 4 февралда машҳур New York Times газетасида “Туркиянинг Эрдўғонча демократияси” номли мақола эълон қилиб, Туркиядаги мажуд ҳокимиятни қаттиқ танқид қилганди. Туркия расмийлари АҚШ ҳукуматига мурожаат қилиб, Фатхулла Гуленни Туркияга ушлаб бериш талаби билан чиқиш ниятлари бор эканлигини айтишмоқда, аммо иш ҳали бунгача етиб боргани йўқ. АҚШ Фатхулла Гулен тутиб бермаслиги эса аввалдан маълум.

Хуллас, Туркиянинг ишлари яхши эмас. Улуғ Отатаурк куч билан бўлса ҳам, ислом дунёсида биринчи дунёвий давлат яратган эди. Дунёвийлик принципини йўқ қилиш ниятидаги исломчиларнинг қилаётган иши Туркиянинг бошига катта дард бўлиши шубҳасиз.
« Олдинги хабар Хабарлар рўйхати Кейинги хабар »