01 April 2015
21:31 - Дунёда қримтатар тилида ягона бўлган АТР телеканали Қримда бекитилди
Табиий, Россия тарафидан бекитилди, чунки, бу телеканал Қримнинг руслар тарафидан босиб олинишини тан олгиси келмасди. Бу телеканал йиллар аввал расман рўйхатга олинган оммавий ахборот воситаси бўлиб, шу 1 апрелгача қайтадан рўйхатдан ўтиши керак эди, аммо Кремлнинг топшириши билан рўйхатга олинмади ва бугун фаолиятини тўхтатди.

У билан бирга унга тегишли бўлган болаларнинг “Ляле” телеканали ҳам бекилди. Яна бир қатор оммавий ахборот воситалари, жумладан, “Майдон” радиостанцияси, “Авдет” ва “Къырым” нашрлари, QHA ахборот агентлиги ҳам фаолиятини тўхтатди.

Бугун Европа Иттифоқи махсус баёнот тарқатиб Россиянинг бу ишини қоралади. Аммо, Путин ҳозирги босқичда орқага чекинмаса керак. Яъни, у ҳеч қачон эгилмайдиган одамлардан. Бироқ унутмайликки, эгилмайдиган нарса ҳам ахир бир кун синади. Қримтатарларнинг телеканаллари ҳам ахир бир кун очилади, Қрим мустақил бўлади.
« Олдинги хабар Хабарлар рўйхати Кейинги хабар »