30 March 2015
23:03 - Ўзбеклар Россияни турли йўллар билан бойитмоқда
“Батафсил” деб номланган ўзбек веб нашрида ғайриоддий воқеа хусусида хабар чоп қилинди. Унга кўра, 2013 йилнинг октябрь ойида бир ўзбек бойваччаси “Ўш-Екатеринбург” рейси билан Урал пойтахтига учиб келган. Бу ерда божхоначилар унинг юкини текшириб, декларация қилинмаган қарийб 3 миллион доллар ва 4 мингга яқин дирхам топишган ва уни мусодара қилишган.

Суд қарорига асосан котранбандада айбланган ҳамюртимизга 109 868 рубль миқдорида жарима солинган, аммо контрабанда йўли билан олиб кирилган 2 955 740 АҚШ доллари ва 3700 БАА дирхами олиб қўйилган. Шу суммадан унга бор-йўғи 10 минг доллар қайтариб берилган. Россия қонунчилигига кўра, ана шу миқдордаги валютанигина декларациясиз чегарадан олиб ўтиш мумкин экан.

Ҳамюртимиз эса ўзига тегишли бўлган пулларни Олий суд орқали қайтариб олишга уриниб, натижага эриша олмабди. Аксинча, пул конвертация қилиниб, натижада Россия ғазнаси 163 миллион рублга бойибди. Эҳтимол, ўғри ёки коррупционер бўлган ҳамюртимизнинг исми-шарифи мақолада келтирилмаган.
« Олдинги хабар Хабарлар рўйхати Кейинги хабар »