04 March 2015
19:43 - Тожикистонда ҳам хўроз Ўзбекистондаги сингари қичқиради, мухолифатчи эса қамалади

Тожикистон пойтахтида суд тожик мухолифати фаоли Умеджон Cолиҳовни президентни ҳақорат қилиш, қўпорувчиликка чақириш ва фаолияти таъқиқланган ҳаракатларга аъзоликда айблаб, 17 йилга озодликдан маҳрум этди. Исмоил Сомоний тумани суди мухолифатчини озодликка чиққач, беш йил давомида ҳар қандай тижорий фаолият билан шуғулланиш ҳуқуқидан ҳам маҳрум қилди.

Мухолифатчи ўтган йилнинг октябрида Россиядаги мардикорлар билан бирганликда президент Имомали Раҳмоннинг истеъфосини талаб қилган ва шундан сўнг у ҳибсга олинганди. Бу мамлакатда ҳам Ўзбекистондаги каби сиёсий режим ҳукм сурмоқда ва бу ерда ҳам хўроз биздаги каби қичқиради. Мухолифатчилар айбсиз қамалаверади.

Расмда: йиғлаётган аёл - Умеджоннинг онаси