04 March 2015
19:15 - Қора денгизга НАТО кемалари кирди, бу урушдан даракми?
Бугун Қора денгиз ҳудудига НАТОнинг 4 та ҳарбий кемаси сузиб кирди. Интерфакс ахборот агентлиги хабарига кўра, Қора денгиз ҳудудига ракета отувчи қурилма билан жиҳозланган канадаликларнинг “Фредериктон” фрегати, АҚШнинг “Виксбург” крейсери, германияликларнинг “Спессарт” танкери ва Туркиянинг “Тургутраис” номли фрегати олиб кирилган. Маълум қилинишича, 5 март куни ракета отувчи қурилма билан жиҳозланган, Шимолий Альянс таркибидаги яна иккита фрегат денгизга жойлаштирилади.

Монтреда 1936 йили имзоланган халқаро конвенциясига мувофиқ, мазкур сув ҳавзасида жойлашмаган давлатларнинг кемалари бу денгизда уч ҳафтадан ортиқ қолмаслиги белгиланган, аммо уруш бошланса, конвенцияга амал қилинмаслиги аниқ.

Ҳозир катт уруш бошланишинг эҳтимоллиги оз, аммо ҳамма жараёнлар урушни яқинлаштириш йўлидан кетмоқда. Украинадаги кризисни дипломатик йўллар билан ҳал этиб бўлмаслиги эса энди аниқ.
« Олдинги хабар Хабарлар рўйхати Кейинги хабар »