28 February 2015
08:31 - Бу ҳафта Нью-Йорк фондлар биржаси аввалги бўхронлардан кейин дам олди
Нью-Йорк фондлар биржасининг асосий кўрсатгичи Dow Jones ўтган йилниннг охирида тарихий рекорд қўйгани, аммо бу йил январь ойида ўпирилиб туса ҳам, “Ҳаракат” башорат қилгандек, февралда осмонга сапчиб, аввалги ҳолига келгани ҳақида аввал хабар берган эдик.

Охирги иш куни кеча тамом бўлган жорийдаги ҳафтада Нью-Йорк биржаси дам олди, дейиш мумкин. Ҳафта ичида унча катта бўлмаган чиқиш-тушишлар бўлиб турди, кеча биржа бекилганда Dow Jones 18133 да тўхтади. У ўтган ҳафтани 18144 билан тамомлаган эди, демак, бу ҳафта тушиш 11 бўлди. Яъни эътиборга лойиқ бўлмаган тушиш.

Биржадаги жараёнлар АҚШнинг иқтисоди кризисдан кейин мустаҳкамаланиб олганини кўрсатмоқда. Лекин, АҚШда Марказий Банк ролини ўйнайдиган Федерал Резерв буни очиқча тан олишга шошмаяпти, тўғрисини айтса, жаҳонда бўлаётган мураккаб жараёнлар қаршисида эҳтиётлик кўрсатмоқда.