28 January 2015
21:08 - Навоийда аёллар қўзғолони: “Электр токи берилсин!”
26 январь, душанба куни Навоий вилояти Хатирчи тумани Мирзо Улуғбек деҳқон фермерлар уюшмаси ҳудудида яшовчи 50 чоғли хотин-қизларнинг электр энергияси йўқлигидан норозилик бўлиб, Хатирчи-Зарафшон трактини тўсиб қўйгани ҳақида “Озодлик” радиоси ўз манбаларига таяниб хабар қилди. Стихияли намойиш жойига етиб келган туман ҳокими Ғофир Алиевдан чироқни бошқа ўчирмаслик ваъдасини олган норози аёллар тарқалишган.
Маълум бўлишича, норозилик намойишига қадар туман ҳолисига суткасига 50-55 минут, намойишдан сўнг эса 2-3 соатгача электр энергияси берила бошлаган.

Таъкидлаш керак, мамлакат бўйлаб Самарқанд вилоятига қарашли Иштихон ва қўшни Хатирчи туманлари аҳолиси кейинги 2-3 йилда 15 мартадан кўпроқ кўча норозиликларига чиқишди.
« Олдинги хабар Хабарлар рўйхати Кейинги хабар »