26 January 2015
21:38 - Сенсация: Ўзбекистон фуқароси Путиннинг автомобилини ўғирлади

Шу йилнинг 23 январь куни Санкт-Петербургнинг Стрельне туманида 36 яшар Ўзбекистон фуқароси Путиннинг Crysler автомобили ўғирлади. Ўғри бироз ғўр экан, қўлга тушди. Текширув давомида автомобиль Андрей Владимирович Путинга тегишли бўлиб чиқди.

Россия бир қатор нашрлари бу Путиннинг Кремлбоши Путинга ҳеч қандай алоқаси йўқлиги ва Андрей Владмирович Путиннинг ҳақиқий исми Улуғбек Нарзиевич Ҳамдамов экани ҳақида ёзишмоқда. Асли ўзбекистонлик бўлган жабрланувчимиз Россия қонунчилигидаги имкониятдан фойдаланиб, исм-фамилиясини ўзгартириб олган экан. У бундан ўз мақсади йўлида фойдалангани, фирибгарлик ишларига ҳам аралашагани маълум бўлибди.

Хуллас, бу воқеани “Путинни ўғри урди” дейишдан кўра, “Ўзбек ўғрини, ўзбек қароқчи урди” деб баҳолаш тўғри бўлса керак.