21 December 2014
22:25 - Туркияда диний таълимга қарши намойиш ўтказилди
Ўқитувчилар профсоюзи тарафидан Анқара марказида бугун уюштирилган митинг “Дунёвий таълим ва меҳнатга ҳурмат” шиори остида бошланди. Ўқитувчилар ҳозирги исломий ҳукумат тарафидан киритилаётган мактаблардаги мажбурий дин дарсларига қарши чиқдилар. Ҳукумат ўзини оқлаш учун диний дарслар исломий фанатизм ва террорнинг олдини олади, демоқда. Аслида, ҳамма нарса аксинча бўлади, айнан шу дарслар ёшларнинг террорга мойиллигини оширади. Бу ҳақда “Ҳаракат” Агентлиги аввалдан гапириб келмоқда.

Анқарда полицияси митингчиларни кўз ёшартирувчи газлар сепиб тарқатиш ҳаракатига тушди. Митингчилар қаршилик кўрсатишди. 100 дан ортиқ митингчи полиция тарафидан ушлаб кетилди.

Бир гуруҳ митингчилар шу майдон четида жойлашган “Аскарлар Уйи” номли клубга кириб бекиндилар. Полиция у ерга кирмоқчи бўлганда, аскарлар уларни киритишмади. Полиция билан аскарлар ўртасида жанжал чиқишига оз қолди. Икки тарафнинг офицерлари шароитни юмшатишди.

Ҳамма нарса “Ҳаракат” башорат қилган йўналишда кетмоқда. Ҳокимиятдаги ислом фанатиклари ва уларнинг оқасидан кўр-кўрона кетаётган саводсиз оддий мусулмонлар билан дунёвийлик тарафдорлари ўртасида таранглик кун сайин кучаймоқда, воқеалар ҳатто фуқаролар урушигача етиб бориши мумкин. Бунинг устига, ҳозир исломчилар ичида ҳам бирлик йўқолди. Эрдўғон собиқ иттифоқчиси Фатхулла Гуленга қарши уруш бошлади. Буларнинг натижасида Туркия парчаланиб кетиш остонасига яна ҳам катта тезликда кетади.

Ўтган асрнинг 20 асрларида Туркия йўқ бўлиш остонасига келганда, уни Олий Қўмандон Отатурк сақлаб қолган эди. Ҳозир ҳам кўп нарса армияга боғлиқ, аммо армия кескин ҳаракатлар қилса, Туркиянинг парчаланиши яна ҳам тезлашиб кетиши мумкин. Яъни, қайси тарафга қараманг, аҳвол оғир.

Исломда чуқур ислоҳотлар ўтказилиб, Ислом дунёвийлик/секуляризм принципини қабул қилмас экан, Ислом дунёси ички урушлар ва қашшоқликдан чиқолмайди.
« Олдинги хабар Хабарлар рўйхати Кейинги хабар »