20 December 2014
09:10 - Ҳақиқий хабар “Ҳаракат”да ўқилар: Нью-Йорк фондлар биржаси ўзини тиклаб олди
Аввалги ҳафтада Нью-Йорк биржасини қандайдир жин урди, ҳафтанинг сўнгги иш куни, Dow Jones 315 поғона тушиб кетди, бутун ҳафталик тушиш эса 678 бўлди, камдан-кам бўладиган тушиш, ўпирилиш деса ҳам бўлаверади, деб хабар бергандик.

Жаҳон ахборот воситалари ўз экспертларининг фикрига асосланиб, бундай ўпирилишнинг сабаби сифатида нефть нархининг кескин тушиши, жаҳон иқтисодида кризис бошланиш хавфи борлигини кўрсатдилар.

“Ҳаракат” бошқача фикр билдирди: “ҳозир жаҳонда шундай системалар борки, уларнинг ҳамма параметрларини, математиканинг ҳозирги имкониятлари етарсиз бўлгани учун эмас, принцип ўлароқ, тўла инобатга олиб бўлмайди. Демак, маълум вақтларда системада бўлаётган жараёнларни принцип ўлароқ тўла ва тўғри ифодалаб бўлмайди. Шундай кутилмаган вазият ўртага чиқаса, мутахассислар тажрибадан ҳам кўпроқ интуицияга асосланиб, системани тўғри йўлга солиб юборадилар. Кейинги ҳафтадан Нью-Йорк фондлар биржасида айнан шуни кўрсак керак.”

Воқеалар айнан биз айтгандек ривожланди. Жорийдаги ҳафтанинг биринчи икки куни Dow Jones яна бироз пастга тушди, аммо кейинги икки куни 600 дан кўпроққа юксалди. Кеча, яъни ҳафтанинг охирги куни ўсиш бор-йўғи 27 поғона бўлди. Энди Dow Jones индекси 17805 га тенг. Яъни, у аввалги ҳафтадаги тушишдан чиқиб бўлди.
« Олдинги хабар Хабарлар рўйхати Кейинги хабар »