Россия Федерацияси авиакомпаниялари Ўзбекистондаги аэропортлар хизматидан фойдалангани учун олдиндан олинадиган ҳақни бундан буён рублда тўлаши мумкин. Бунга ҳам кеча бошланган иқтисодий ҳамкорлик бўйича Ўзбекистон-Россия ҳукуматлараро комиссиясининг мажлисида гапирилди. Россия Федерацияси Транспорт вазири ўринбосари Валерий Окуловга кўра, бу икки томонлама манфаатлардан келиб чиқаётган ечимдир. Аслида эса, дейди мухбиримиз, бу Кремлбоши Путиннинг АҚШ ва унинг валютасига нисбатан зарба бермоқчи бўлаётган сиёсати маҳсули бўлиб, бундан Ўзбекистон фақат ютқазади.

Ҳатто Ўзбекистондаги гўё мустақил бўлган нашрлар ҳам бу ҳолни истеҳзо ва кишибилмас норозилик оҳангида ифодалмоқда. Яъни, мақолаларда Ўзбекистондаги аэропортлар хизматидан фойдалангани учун олдиндан тўланадиган ҳақни рублда тўлаш тўғрисидаги келишув Россия рубли кейинги ойларда қадрсизланиб кетган вақтга тўғри келаётгани гапирилади.

“Хабарларга қараганда, рубль қадрсизланиб кетгани учун Қозоғистон Россияга электр энергияси етказиб беришни тўхтатиб қўйди” деб ёзган Anhor.uz нашри “Нима учун Ўзбекистон ҳукумати шундай пайтда рублга боғланмоқда?” деген саволни ўртага қўймаган.