Ўзбекистон Республикаси Президенти матбуот хизматига кўра, эртага, 21 ноябрда Тошкентга Швейцария Конфедерацияси президенти, Европада Хавфсизлик ва Ҳамкорлик Ташкилоти (ЕХҲТ) амалдаги раиси Дидье Буркхальтер келади. Буркхальтернинг Ўзбекистон Президенти Ислом Карим билан учрашиши ва Ўзбекистон ва Швейцария муносабатларининг бугунги ҳолати ва ривожланиш истиқболлари, ЕХҲТ доирасидаги ҳамкорлик масалалари, долзарб минтақавий ва халқаро муаммоларни муҳокама қилиши кутилмоқда.

Буркхальтернинг Ўзбекистонга ташрифи Марказий Осиё сафари доирасида бўлиб, кеча Буркхальтер Қозоғистон келган ва бугун Қозоғистон Президенти Нурсултон Назарбой билан учрашиб, икки мамлакат ўртасидаги алоқаларнинг бугуни ва келажагидан ташқари, Украинадаги кризисдан чиқиш масаласини ҳам муҳокама қилган. Икки президент учрашувдан кейин матбуот конференцияси ўтказдилар (рамда). Қозоқ хабар агентликларига кўра, Дидье Буркхальтер бу ерга Швейцария Конфедерацияси президенти сифатида расмий ташриф билан келган.

У Ўзбекистондан сўнг Туркманистон, Тожикистон ва Қирғизистонда ҳам бўлади.