19 November 2014
01:33 - Ўзбекистонда электротехника соҳасига янги раҳбар тайинланди, у ўз олдидаги вазифаларни тушунадими?
Ўзбекистон Республикаси Бош вазирининг 14 ноябрдаги қарорига мувофиқ, Эркин Эминов “Ўзэлтехсаноат” акциядорлик компанияси бошқаруви раиси этиб тайинланибди. Бу ҳақда UzReport телеканали бир неча кундан кейин хабар берди.

Бу одам тайинловгача Вазирлар Маҳкамасида Машинасозлик, электртехника ва авиация саноатини ривожлантириш, маҳсулотларни стандартлаштириш масалалари ахборот-таҳлил департаментининг мудири лавозимида ишлаб келган экан. Ширкатнинг собиқ раҳбари тақдири ҳақида маълумотлар йўқ.

Бутун дунё, ҳатто дунёнинг энг қолоқ ва қашшоқ мамлакатлари ҳам, асосан Ғарбда яратилган янги техонологиялар, хусусан, электротехникага оид бўлган технологиялар ва қурулмаларни кенг кўламли равишда ишлатишга ўтмоқдалар. Ўзбекистонда ҳам шу йўналишда кетаётгани, бу йўналишни координация қиладиган “Ўзэлтехсаноат” каби структуралар борлиги табиийдир.

Аммо, биз ўзбеклар кеча дарахтдан ёки отдан тушган халқ эмасмиз, Ал Хоразмий, Ал Беруний, Мирзо Улуғбекларнинг авлодимиз. Шуларни ҳисобга олган Эркин Эминов ўзи раҳбарлик қиладиган компания таркибида бу технологияларни ривожлантириш, янги техник қурулмалар яратиш устида ишлайдиган илмий-техник марказлар очиш устида ҳам ишлаши керак. Давлат бюджетида бунга пул топилмаса, халқаро ва маҳаллий спонсорларни жалб этиш лозим.

Маълумки, Ислом Карим Фанлар Академияси таркибидаги “Кибернетика” илмий-ишлаб чиқариш бирлашмасини, бу ерда мухолифат лидери Абдураҳим Пўлат ишлагани учун, бекитиб ташлаб, давлатга душманлик қилди. Эркин Эминов кабилар тўғри йўл танлаши, ҳамма нарсадан хабардор бўлиб туриш, керак бўлса, малаҳатлар олиш учун “Ҳаракат” сайтини ўқиб боришга ўрганиши, сайтни Ўзбекистонда блок қилиш амалиётини тўхтатиш масаласини кун тартибига олиб чиқиши керак. Акс ҳолда, у ҳам давлат душманлари қаторига қўшилиб қолади.

« Олдинги хабар Хабарлар рўйхати Кейинги хабар »