31 October 2014
15:51 - АҚШ Федерал Резерви фоиз нормасини оширмади, Россия Марказий Банки 1,5% оширди. Кимнинг аҳволи ёмон?
Кеча АҚШда Марказий Банк ролини ўйнайдиган Федерал Резерв фойдадан олинадиган фоиз нормасини ўзгартирмасликка қарор қилди. Фоиз нормаси авалигидек қолди 0-0,25%. Бугун эса, Россия Марказий Банки фоиз нормасини 8% дан 9,5% га чиқарди.

Аслида фоиз нормасининг ошиши мамлакатда молиявий-иқтисодий аҳвол яхшилигини кўрсатади. Чунки, аҳвол яхши бўлса, янги бизнесс очиш ёки бор бизнессини кенгайтириш учун банклардан қарз пули олиш истаганларнинг сони ортади, бизнессменлар таваккалчиликка тайёр бўлади, банклар ҳам бундан фойдаланиб қолиш учун фоиз нормасини оширади.

Аммо, кеча АҚШда фоиз нормасининг оширилмаслик, бугун Россияда ошириш қарори бошқачароқ изоҳланмоқда.

АҚШ иқтисоди 2008 йилда бошланган молиявий-иқтисодий кризисдан чиқиб бўлди. Ҳамма фоиз нормасининг ошишини кутмоқда. Федерал Резерв эҳтиёткорлик қилиб, фоиз нормасини оширмасликка қарор қилди. Экспертларнинг фикрича янги йил бошидан ошириш бошланса керак. Шу фикрларнинг ўзи ҳозир АҚШ бизнессменларини руҳлантирмоқда.

Россияда эса, аҳвол бошқача. Ғарбнинг санкциялари ҳам таъсир қилиб, Россияда киризис чуқурлашмоқда. Бу йилнинг 3-чи квартали ва кейинги йилнинг биринчи ярмида иқтисодда ўсиш бўлмайди. Аммо, инфляция ортиб бормоқда. Келаси йилнинг биринчи кварталида инфляция 8,5% бўлиши кутилмоқда. Демак, Россия фоиз нормасини оширирмагани аҳвол яхшилигидан эмас, инфляциядан бўладиган зарарни қоплаш учун қилинмоқда.
« Олдинги хабар Хабарлар рўйхати Кейинги хабар »