Нью-Йорк Пост газетасининг шу йил 24 октябрь сонида “Саратон ҳақидаги миш-мишлар Путиннинг атрофида айланмоқда” номли мақола эълон қилинганини бугун эрталаб билдирар экан, Путиннинг яқин орада ўлиши ҳақидаги гапларга шубҳа билдирган эдик.

Айниса Украинадаги воқеалар туфайли Россия Президенти Владимир Путин жаҳоннинг диққат марказида турганини ҳамма биларди. Аммо, бу мақолага Россия расмийлари 4 кундан бери муносабат билдирмаётганларини тушуниб бўлмасди. Қаранг, бу мақолага “Ҳаракат” муносабат билдиргандан кейингина, бугун Путиннинг матбуот котиб Дмитрий Песков ўз бошлиғининг касаллиги ҳақидаги иддаоллар бўйича берилган саволга “Тиллари кесилсин, ҳамма нарса жойида” деб жавоб берибди. Бу ҳақда Россиянинг расмий давлат ахборот воситаси – “Новости” Агентлиги бугун пешин соатларида хабар берди.

“Новости” Агентлиги бу мавзуни “Ҳаракат”дан кейин тилга олгани тасодиф бўлса керак, аммо бу воқеа ҳам яна бир марта кўрсатмоқдаги, “Ҳаракат” Агентлиги кун тарибидаги актуал хабарларга изоҳ бериш масаласида етакчи ўринлардан бирини эгаллайди.