25 October 2014
02:07 - Нью-Йорк фондлар биржаси “Ҳаракат”га қулоқ солиб, талвасадан қутилишга бошлади
Аввалги хабарларимиздан маълумки, Нью-Йорк фондлар биржасининг асосий кўрсатгичи Dow Jones индекси сентябрь ойининг ўрталаридан тушишга бошлаб, бу ойнинг ўрталаригача 1 мингча поғана тушиб кетди, яъни 17,3 мингдан 16,3 минггача..

Биржа экаспертлари бу тушишларнинг сабаби сифатида Эбола касаллигининг Америкада ҳам тарқалиши, жаҳон иқтисодида ўсиш тезлиги камайиш эҳтимоллиги ва АҚШда марказий банк вазифасини бажарувчи Федерал Резерв қарзга бериладиган пул учун фойда фоизини оширишга шошилмаётганини кўрсатишган эди. Шундай бўлса, Dow Jones индексининг тезда ортишини кутиш керак эмасди.

“Ҳаракат”нинг фикри бошқачароқ бўлди: Жаҳонда Нью-Йорк фондлар биржасининг келажагига салбий таъсир қиладиган жиддий жараёнлар бўлаётгани фўқ. Биржа бекорга талвасага тушди, тезда ҳамма нарса ўз ўрнига тушади.

Кейинги жараёнлар айнан “Ҳаракат” айтгандек ривожланди. 16 октябрдан бошлаб Dow Jones юсалишга бошлади. Тўғри, юксалиш зиг-загли бўлди, аммо умуий тенденция юксалиш йўналишида эди, баъзи кунларда юксалиш 200 дан кўпроқ бўлди..

Кеча, яъни жорийдаги ҳафтанинг сўнгги куни ҳам, Dow Jones индекси 127 поғана (0.76%) юксалиб, 16805 га чиқди. Яъни, бир ойлик тушишнинг ярми би ҳафтада қопланди.

Нью-Йорк фондлар биржасидагилар “Ҳаракат” агентлиги борлигини ҳам билмаслар керак. Бу нарса бизни қизиқтирмайди ҳам. Муҳим бўлгани, “Ҳаракат”нинг прогноз/башоратлари тўғри чиқаётганида.
« Олдинги хабар Хабарлар рўйхати Кейинги хабар »