18 October 2014
20:33 - Нью-Йорк фондлар биржаси “Ҳаракат”га қулоқ солиб, тикланишга бошлади
Аввалги хабарларимиздан маълумки, Нью-Йорк фондлар биржасининг асосий кўрсатгичи Dow Jones индекси сўнгги бир ой ичида 1 мингча поғанага тушиб кетиб, 16 октябрда 16117 да тўхтаганди.

Кеча 17 октябрда Dow Jones индекси кутилмаганда юксала бошлади ва жорийдаги ҳафтанинг сўнги иш кунини 16380 билан якунлади. Яъни, бир кунлик ўсиш, юқорига сапчиш десак ҳам бўлаверади, 263 га (1.63%) тенг бўлди.

Аслида, буни биржа экаспертлари ҳам кутишмаган эди. Улар охирги тушишларнинг сабаби Эбола касаллигининг Америкада ҳам тарқалиши, жаҳон иқтисодида ўсиш тезлиги камайиш эҳтимоллиги ва АҚШда марказий банк вазифасини бажарувчи Федерал Резерв қарзга бериладиган пул учун фойда фоизини оширишга шошилмаётгани билан тушунтиришса-да, кечаги ўсишга сабаб кўрсатишолмади.

Уларни тушуниш мумкин. Чунки, улар ҳали ўзбекларнинг “Ҳаракат” агентлиги каби жаҳоннинг молиявий-иқтисодий трендларини ўзларидан яхши тушунадиганлар борлигини билишмас эди. Балки, энди ақллари кирар.

“Ҳаракат”нинг ўқувчилари билишадики, бизнинг фикримизча, жаҳонда Нью-Йорк фондлар биржасининг келажагига салбий таъсир қиладиган жиддий жараёнлар бўлаётгани фўқ. Биржа бекорга талвасага тушди, тезда ҳамма нарса ўз ўрнига тушади. Кеча шундай бўлишга бошлади ҳам.

Шу муносабат билан, авваллари кўп марта такрорлаган фикримизни яна қайтарамиз.

АҚШда ишлаётган ўзбеклар фондлар бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмайдиган Dow Jones каби индекслар билан яшашни ўрганишлари, пулларини фақат банкларда эмас, фондлар бозорининг акцияларида ҳам сақлашни ўрганишлари лозим.

Ўзбекистондаги ота-оналарга ёрдам бериш шарт, аммо у ерга ортиқча пул юбориш ўзбекларнинг душмани бўлган мавжуд режимга хизмат қилиш ва пулни сувга оқизишдир. Ўзбеклар АҚШда ҳам ош ейиш ва Ўзбекистонга пул юборишдан ташқари, бу ерда пул йиғиб, кичкина бўлса ҳам ўз бизнесларини очиш устида ўйласалар фойдали бўлади.

Айнан шундай одамлардан кейинчалик катта бизнесменлар чиқади. Ана ундан кейин Ўзбекистонда ҳам бизнес очишни ўйлаш мумкин. Акс ҳолда, Американи ҳам мардикорлар билан тўлатиб юраверамиз.
« Олдинги хабар Хабарлар рўйхати Кейинги хабар »