17 October 2014
22:48 - Украина Президент ЕИ лидерлари иштирокида Миланда Россия Президенти билан учрашди, кейин улар яккама-яка суҳбатлашдилар
Бугун эрталаб Италиянинг Милан шаҳрида ўтаётган “Осиё-Европа Форуми” саммитининг Украинадаги воқеаларга бағишланган махсус йиғилиши режалаштирилгани билдирилган эди. Кейин маълум бўлишича, ЕИ лидерлари иштирокида Украина ва Россия президентлари Петр Порошенко ва Владимир Путиннинг учрашуви назарда тутилаётган экан.

Бу учрашув бугун эрталаб бўлиб ўтди. Унда ЕИдан Германия Канцлери Ангела Меркел, Франция Президенти Франсуа Олланд, Буюкбритания Бош вазири Дэвид Кэмерон, Италия Бош вазири Маттео Ренци, Еврокомиссия ва Европа Кенгаши раҳбарлари Жозе Мануэль Баррозу ва Герман ван Ромпей ҳамда ЕИнинг яқинда ташқи сиёсат комиссари лавозимини эгаллаши кутилаётган Федерик Могерини иштирок этдилар.

Бу йиғилишнинг натижалари ҳақида турли фикрлар янгради. Ангела Маркелга кўра, Путин ва Порошенконинг музокаралари ҳеч қандай натижа бермади. Порошенконинг ўзи учрашувдан пессимистик чиққанини гапирди. Путин эса, бу йиғилишни сал кам оламшумул деб эълон қилди. Уни тушунса бўлади, чунки, Украинадаги қонли воқеалар бошлангандан бери Путин яккамоховга айланиб бормоқда эди. Мана бугун у Европанинг ҳамма йирик лидерлари билан бир орага келиш имконига эга бўлди.

Муҳим бўлгани шуки, ЕИнинг ҳамма лидерлари агар Россия ўз қўшинларини Украинадан олиб чиқмаса ва у ердаги сепаратистларни қўллаб-қувватлашни тўхтатмаса, Россияга қарши санкциялар яна ҳам кенгайиши ҳақида Путинни огоҳлантирдилар. Кўринишидан, Путин чекинишга бошлайди.

Бу учрашувдан кейин Путин билан Порошенко 1,5 соат давомида яккама-якка гаплашдилар. У ерда ҳам муҳим натижа чиққанига ҳеч ким ишонмайди.

Аммо, Украинадаги мауммолар дарҳол битмайди. Ғарбнинг Россияга босими остида Донбасс муаммоси битгач, Украина Қримни руслардан озод қилиш йўналишида ҳаракат бошлаши шубҳасиздир.
« Олдинги хабар Хабарлар рўйхати Кейинги хабар »