19 August 2014
08:20 - Эшитмадим деманглар, қиёмат куни маълум бўлди ҳисоб - 6 март 2880 йил
АҚШнинг Теннеси штатидаги Университет олимларнинг ҳисоб-китобига кўра, Ерга қараб жуда катта тезликда келаётган буюк астероид 2880 йилнинг 6 март куни планетамизга келиб урилиши ва Ердаги ҳаётни йўқ қилиши мумкин. Астероиднинг диаметри 1 километр атрофида бўлиб, Ерга қараб секундига 14,5 километр тезликда келмоқда. У Ерга урилса 45 минг мегатон тротил кучидаги портлаш бўлади, портлаш натижасида пайдо бўладиган цунами Ердаги оби-ҳавони ўзгартиради, одамзод йўқ бўлади.

Аммо, олимлар 1950 DA номи берилган бу астероиднинг Ергача етиб келишини олдини олиш учун, унинг сиртини бироз ўзгартириш етарли, шунда астероид Ерга етиб келмасдан ўзи йўқ бўлиб кетади демоқдалар. Астероиднинг йўлини ўзгартириб, уни Ой каби Ер йўлдошига айлантириб қўйиш варианти ҳам бормиш.

Ҳали 866 йил вақт бор, олимлар астероиднинг Ерга урилишининг олдини олишса керак, дейди мухбиримиз. Аммо, бунинг хурсанд бўладиган жойи йўқ. Чунки Оллоҳнинг қиёмати қачон бўлишини ҳеч ким билмайди, балки эртагадир.
« Олдинги хабар Хабарлар рўйхати Кейинги хабар »