17 August 2014
02:44 - АҚШда бир қора танлининг ўлдирилиши катта намойишларга сабаб бўлди, қирғизлар 300 ўзбекни қирғин қилинганда ўзбек миллати оғзини ҳам очмаган
9 август куни бир дўконда ўғрилик қилингани иддао этилаётган ва полицияга қаршилик кўрсатган 18 яшарли қора танли йигит Майкл Бровн Миссури штатининг маркази бўлган Сан-Луис шаҳри яқинидаги Фергусон шаҳарчасида 28 яшарли оқ танли полис офицери Даррен Уилсон тарафидан отиб ўлдирилган эди. Ўшандан бери АҚШнинг бир қатор шаҳарларида асосан қора танлилардан иборат бўлган гуруҳларнинг норозилик намойишлари бўлди. Баъзи жойларда, хусусан, Сант-Луисда намойишлар тартибсизликларга ҳам айланиб кетди.

Аҳвол шунчалик ёмонлашдики, АҚШнинг замонавий тарихида кўрилмган ишга қўл урилди – Миссури губернатори Фергусонда фавқулодда ҳол эълон қилди, ярим кечадан эрталаб 5 гача кўчага чиқишни тақиқлади.

Шуни алоҳида таъкидлаш керакки, АҚШполицияси дунёнинг энг яхши ва адолатли полицияларидан бири, АҚШ эса ҳуқуқий давлат, демак, адолат ғалаба қозонади. Майкл Бровн қонунни бузгани ва полиция офицерига қаршилик кўрсатгани исботланса, офицер ёки оқланади ёки катта бўлмаган жазо олади. У бутунлай ноҳақ бўлса, катта жазо олади.

Лекин, нима бўлганда ҳам, қора танлилар бундай намойишлар уюштиргани тушунарлидир. Улар ўз яқинларининг тақдирига бефарқ қолмадилар АҚШда фуқаролар жамияти шаклланиб бўлганини намойиш қилдилар. Дунёниннг жуда кўп мамлакатларида бундай муносабат кўрсатилмган бўларди.

Масалан, қирғиз фашистлари ҳеч бир айби бўлмаган Ўзбекни тириклайин ёққанда, Ўзбек қиз-аёлларини подалашиб зўрлаганда, 3 кунда 300 Ўзбекни ваҳшийларча ўлдирганда сони 30 миллионли жаҳон ўзбеклари ҳамма тешикларини қисиб ўтиргани кечириб бўлмайдиган ҳолдир. Шу билан ўзбеклар миллат сифатини йўқотганларини намойиш қилдилар.

Энди ўзбеклар подасини қайтадан миллат қилиш ўта оғир ишдир, аммо бунга бел боғлаган “Бирлик” Партияси ҳеч қачон осон ишга қўл урмаганини унутмайлик.