23 July 2014
12:36 - “Оҳангаронцемент”ни хусусийлаштиришда қаллоблик бор, энди Ислом Карим ҳам Фуҳушанинг ҳолига тушса керак
Тошкент вилояти Хўжалик суди “Оҳангаронцемент” очиқ турдаги акциядорлик жамиятининг ғайриқонуний равишда хусусийлаштирилгани ва унинг МДҲда “Евроцемент” ширкатига бириктирилганини нотўғри деб топди. Бу ҳақда “Инетерфакс”га хабар қилган “Евроцемент” ширкати президенти Михаил Скорохода бу борада Ўзбекистон томони билан судлашишни бошлаганини айтган.

«Ширкатни текшириш баҳонсида титиб ташлашди, лекин қонунбузарликка оид бирор факт топиша олмади. Ҳатто Рақобатни ривожлантириш Давлат қўмитаси судга ариза киритганини 16 июлга келиб билдик ва суд бизнинг манфаатларимизга қарши яшин тезлигида қарор чиқариб берди, энди апелляция судига чиқяпмиз” дейди Скорохода.

Эслатиб ўтамиз, Тошкент вилоятидаги “Оҳангаронцемент” каби иши юришмай қолган ширкатларни ўз таркибига қўшиб олган гигант “Евроцемент” ширкати маҳаллий раҳбарларимизнинг қаттиқ қаршилигига дуч келган. Улар завод ишчиларидан аризалар ёздириб олиб, завод қимматли қоғозларининг Россия компанияси ихтиёрига ўтишига қаршилик қилишмоқда.

Шуни ҳам билиш керакки, “Евроцемент” цемент ишлаб чиқариш бўйича дунёнинг энг катта 10 компанияларидан бири, Россиянинг 40 фоиз цементини чиқаради. Бир йилда 40 млн тонна цемент ишлаб чиқарадиган “Оҳангаронцемент” ширкати “Евроцемент” асосий қисмларидан бирига айланиб бўлган.

Россия МТСининг Ўзбекистондаги бўлимини Ислом Каримнинг қизи Фуҳуша пора эвазига Швеция ҳукуматига сотиб юбориб, охир-оқибат нима бўлгани ҳаммага маълум. “Евроцемент” масаласида ҳам шундай шармандчиликларга етиб бормаслик учун, Ислом Карим эҳтиётлироқ йўл тутиши лозим. Аммо, бунга ақли етармикан?