Ҳозирча Ироқ ва Суриянинг бир қисмида ҳукмдорлик қилаётган “Ироқ Левант Исломий Давлати” (ИЛИД) номли қуролланган суннийлар гуруҳи ўзини Халифат деб эълон қилгани ва 5 йил ичида ҳозирги Испания ва Португалия, Африканинг шимоли, Яқин Шарқ, Ўрта Осиё, Афғонистон ва Покистон ҳудудларигача кенгайишини иддао этгани ҳақида аввал хабар бергандик.

Ҳали кенгайишга улгурмасдан, Ироқ ва Суриянинг бир қисми билан чегараланиб турган Халифатда Ислом қонунлари ишга туширилмоқда. Туркиянинг “Миллиёт” газетаси Сурия Инсон Ҳақлари Ташкилотига асосланиб тарқатган хабарга кўра, Суриянинг ИЛИД назорати остидаги Ракка вилоятининг Табақа шаҳарчасида бир аёл зино қилишда айбланиб, тошбўрон қилиб ўлдирилган.

Халифат анархия эмас, ҳамма нарса ҳуқуқ доирасида амалга оширилган. ИЛИД шариат суди тайинлаган, бу суд 30 ёшда эканлиги айтилаётган аёлни тошбўрон қилиб ўлдириш тўғрисида ҳукм чиқарган, шариат судининг ҳукмига бўйсунадиган мусулмонлар у аёлни тошбўрон қилиб ўлдиришган.

Гуманизм принциплари ҳам эсдан чиқарилмаган ва тошлар остида ўлаётган аёл ИЛИД тарқатган расмга туширилмаган.

ИЛИДнинг иддаолари жиддий бўлса, 5 йилдан кейин тошбўрон қилишлар Ўзбекистонда ҳам оддий воқеага айланади. Ўша кунларга тайёрланиш учун кеча Ислом Карим кутилмаганда ҳали қурилаётган Минор мачитига бормадимикан?