(Вокеалар хроникаси. 4-кисм) - «Бирлик» ва хукумат: хукукий майдондаги кураш
Тахририятдан: Маълумки, «Бирлик» Халк Харакати Партияси расмий рўйхатдан ўтиш учун ўтган йилнинг сентябридан бери Адлия вазирлиги билан, тўгрироги, мавжуд хукумат билан кураш олиб бормокда. Оддийгина юридик процедера бўлиши керак бўлган жараённи кураш деб айтиб, муболага килмаяпмиз. Чунки, аслида, бу оддий кураш эмас, Хаёт мамот жанги, «Бирлик»дан кўра мавжуд режим учун хаёт мамот жангидир. Сабаби - «Бирлик» бугунми эртами, барибир рўйхатдан ўтади, келажак унинг тарафида. Аммо, мавжуд диктатуранинг кунлари битмокда, у ботиш арафасида. «Бирлик»нинг рўйхатдан ўтиши - режимнинг битишини бошланиши бўлиши ойдек ойдин.

Эслатиб ўтамиз, «Бирлик» рўйхатдан ўтиш учун 3 марта Адлия вазирлигига ариза бериб, ундан уч марта мужмал жавоб олгач, вазирликнинг устидан шу йил 30 март куни Олий Судга шикоят аризаси берди. Сиёсий партиялар хакидаги конунда партияни рўйхатга олиш Адлия вазирлиги зиммасида эканлиги, унинг карорлари бўйича эса, Олий Судга мурожаат килиши мумкинлиги очикча белгилаб кўйилган бўлса хам, хукуматнинг топширигини бажаришга тушган Олий Суд 21 апрель куни «Бирлик»га «9 апрель» санаси билан имзоланган жавоб бериб, бу масала бўйича туманлараро судга мурожаат килиш керак эканлигини билдирди. 30 апрелда «Бирлик»нинг вакиллари Олий Суд раисаси Фаруха Мухиддинова билан учрашдилар. У Адлия вазирлигининг жавоби хукукий жихатдан тўгри бўлмаганлигини тан олиб, бу масалани ечишда ёрдам беришга ваъда берди. Аммо, ёрдамдан дарак бўлмади.

Ўзбекистонга АКШ Давлат департаментининг бир хайъати келиб, мухолифат вакиллари билан учрашиш истагини билдирмаса эди, балки дарак бўлмасди хам.

Бу вокеа ва ундан кейин давом этган хукукий-сиёсий жараён билан «Харакат» Агентлигининг янгиликлар тасмасидан олинган куйидаги хабарлар оркали танишиш мумкин.

* * *



21 май: Адлия вазири матбуот конференцияси ўтказди

Бугун Ўзбекистон Адлия вазири Абдусамат Полвонзода асосан чет эл ОАВ вакиллари учун матбуот конференцияси ўтказди. У журналистларни Ўзбекистонда фаолият юритаётган айрим халкаро ва нохукумат ташкилотлар ваколатхоналарини хамда мамлакатимиздаги мухолиф сиёсий партияларни рўйхатга олмаслик учун Ўзбекистон хукумати ўйлаб топган «далил»лар билан таништирди.

У «Бирлик» Партиясининг рўйхатга нима учун олинмаётганини шундай тушунтирди: «Документы о регистрации т.н. Народного движения «Бирлик» Минюстом Республики Узбекистан оставлены без рассмотрения. Так как нами установлены факты массовых фальсификаций подписей граждан, якобы выразивших желание обьединиться в политическую партию. Например, из проверенных 448 подписей 329 оказались фальсифицированными. Учредительные документы противоречат требованиям законодательства. Деструктивная деятельность этой партии, кроме того, хорошо известно по событиям начала 90-х г.г., когда ее представители подстрекали молодежь в целях дестабилизации общественно-политическую обстановку в стране».

Адолат посбони бўлиши керак бўлган вазирликнинг рахбари айтган гапларнинг бир кисми тўгридан тўгри ёлгон бўлса, бошка кисми унинг маъсулиятсиз одамлигини кўрсатувчи нарсалардир, деди бу хусусда «Бирлик» рахбарларидан бири. Масалан, Адлия вазирлигининг сўнги рад жавобида партиямиз хужжатлари мавжуд конунларнинг талабларига жавоб бермаслиги тўгрисида умуман гап йўк. Партия аъзолари имзоларининг сохталаштирилиши Хакидаги иддао – вазирликнинг фантазияси, чунки, имзонинг сохталигини факат криминалист мутахассислар аниклаши мумкин. 90-чи йилларнинг бошида эса, хамма буни билади, «Бирлик» нафакат ёшларни, бутун халкни мустакиллик учун курашга чакирган. Мустакил Ўзбекистон хукумати вазирининг бу тарзда гапириши – хукуматнинг ўзини фош килувчи фактдир.


22 май: АКШлик юкори мансабли мулозим ўзбек мухолифатининг вакиллари билан учрашди

Кеча, 21 май куни АКШ Давлат Котиби ўринбосарининг Европа ва Евроасиё ишлари бўйича ёрдамчиси Лин Пасько, АКШнинг Ўзбекистондаги элчиси Жон Пурнел, АКШнинг Тожикистондаги элчиси Рик Хохлан, АКШнинг Ўзбекистондаги элчисининг сиёсий ишлар бўйича маслахатчиси Сильвия Курран мухолифат партияларининг вакилларидан Васила Иноят, Нигора Хидоятова ва Отаназар Орипов билан учрашдилар.

«Бирлик» партиясининг Бош котиби Васила Иноят мехмонларга «Бирлик»нинг фаолияти хакида гапириб берди ва партияни рўйхатга олиш масаласида Адлия вазирлиги ва Олий Суд тутган тутуруксиз йўл Ўзбекистон ва АКШ ўртасидаги стратегик хамкорлик битимига мутлако зид эканлигини таъкидлади. У «Бирлик» фаолларига карши бошланган репрессиялар, хусусан партиянинг Жиззах ва Наманган ташкилотлари рахбарлари Мухиддин Курбонов ва Мамадали Корабоевларнинг камалишлари хакида маълумот берди. «АКШ хукумати мухолифатни кўллаб-кувватлашини намойиш этмокчи бўлса, - деди Васила Иноят, - бу кунда мухолифатнинг асосий кучи бўлган, рўйхатга олиш масаласида хукумат билан курашишга хам кучи етишини кўрсатабилган «Бирлик»нинг раиси Абдурахим Пўлат Вашингтонда юкори даражада кабул килиниши керак».

«Озод Дехконлар» партиясининг Котиби Нигора Хидоятова ўз партиясининг максадлари хусусида гапирди, бизнесни ривожлантириш, экономикани ривожлантириш ва буржуазия давлатини куриш режаларини тилга олди, бу каби режаларни мавжуд хукумат бажара олмаслигини кайд этди. Якинда «Эрк» партияси Марказий кенгашининг пренумида партиядан чикариб юборилган Отаназар Орипов партия ишлари хусусида гапиришни ўзига эп кўрмади шекилли, асосан март охири ва апрель бошларида юз берган террористик ходисалар устида тўхталиб, улар хукуматнинг ўзи тарафидан уюштирилганига ургу берди.

Жаноб Пасько бугун хукуматнинг юксак лавозимли вакиллари билан учрашгани, у ерда Васила Иноят тилга олган Шартнома бажарилмаётганидан ўз хукуматининг кўнгли тўлмаётганини билдирганини айтди ва мухолифат вакилларининг Ўзбекистондаги вазият хусусидаги фикри Вашингтон учун жуда зарур эканини таъкидлади. У ўзбек сиёсий партияларининг муаммолари АКШ расмийларига етказилажагини алохида ургулади.

Ўзбекистон хукумати шошиб колди, Олий суддан «Бирлик»га жавоб келди

Ха, хакикатдан хам шундай, Ўзбекистонга расмий зиёрат билан келган АКШ Давлат Котиби ўринбосарининг Европа ва Евроасиё ишлари бўйича ёрдамчиси Лин Пасько Ўзбекистон расмийлари билан учрашгач, хукумат одамлари шошиб колганлари ва пала-партиш хатти-харакатлар кила бошлашганлари кўриниб турипти.

Жаноб Пасько мухолифат вакиллари билан учрашганда, ўз хукуматининг АКШ-Ўзбекистон Стратегик Шартномаси Ўзбекистон тарафидан кандай бажарилаётганидан коникмаганини билдирганди. Афтидан, америкалик махмон хорижий ва махаллий ташкилотлар, жумладан АКШлик Сорос фонди ва Ўзбекистоннинг «Бирлик» ва «Озод дехконлар» партиялари рўйхатга олинмаганидан хам норозилигини билдирган. Айнан шу сабабли Ўзбекистон Адлия вазири А.Полвонзода бу масалаларга багишлаб кутилмаган матбуот-конференцияси ўтказган экан.

Шошиб колган хукуматнинг ишлари бу билан битмади. Жаноб Пасько билан учрашган «Бирлик» Партияси Бош котиби Васила Иноят ўз аризаларига Олий суддан 1 ойдан бери жавоб ололмаётганларини хам билдирганди. Учрашувдан кейин уйига келган Васила Иноятова эшигининг тагида ётган Олий суднинг жавоб хатини кўрди.

Хат гўёки 7 майда ёзилган бўлиб, конвертда почтанинг «11 май» санали штемпели турарди. Ана, АКШнинг кучи! Бечора Каримов хукумати шунчалик талвасага тушиптики, дархол Олий суднинг жавоби ўтиб кетган сана билан ёзилиб, конвертга почтанинг калбаки штемпели кўйилипти ва номаълум кишилар (хар холда МХХ ходимлари шундай спецоперация ўтказишган бўлса керак) хатни дархол Васила Иноятнинг эшиги тагига ташлаб кетибдилар.

Хуллас, хукуматнинг лўттибозликларига кўшилган идоралар сони яна биттага ошди. Бу идора - Алока вазирлигининг Почта Бошкармасидир.

Энди Олий суддан «Бирлик» номига келган жавоб, тўгрироги Ажримнинг мохиятига келсак. Бу хат хам авваллари Адлия вазирлиги ва кейинчалик Олий суднинг ўзидан келган хатлар каби ножиддий бир хужжатдир.

Эслатиб ўтамиз, «Бирлик»нинг Адлия вазирлиги устидан Олий судга килган шикоятида бир нуктага ургу берилганди. Яъни, Ўзбекистоннинг «Сиёсий партиялар тўгрисида»ги конунига кўра, Адлия вазирлиги «Бирлик» Халк Харакати Партиясини ёки рўйхатга олиши ёки унга рад жавоби бериши керак бўлгани холда, аризани «окибатсиз колдиргани» учун Олий суддан Адлия вазирлигига конунлар бўйича ишлаш мажбуриятини юклаш ва «Бирлик» Партиясини 1 мартдан эътиборан рўйхатга ўтказилди, деб хисоблаш талаб килинганди.

Олий суд судьяси Х.Холмурзаев томонидан имзоланган aжримда «Бирлик»нинг аризасидаги важлар битталаб санаб чикилган ва Адлия вазирлигининг «Бирлик»га рад жавоби бермагани катта бир ютукдек бахоланиб, партия хужжатларни вазирликка кайтадан топшириш таклиф килинган. «Бирлик»нинг аризасидаги асосий важни («Сиёсий партиялар тўгрисидаги конунга кўра, Адлия вазирлигининг аризани окибатсиз колдиришга хакки йўклигини) «эсидан» чикариб кўйган судья Х.Холмурзаев шундай Ажрим чикарибди: «Бирлик Халк Харакати Партиясининг Адлия вазирлигини хатти-харакатлари устидан берган аризасини кабул килиш рад этилсин. Ажрим устидан 10 кун ичида хусусий шикоят ва хусусий протест келтирилиши мумкин».

Табиий, «Бирлик» хусусий шикоят ва хусусий протест келтиради, дейди мухбиримиз. Лекин, Олий суд лўттибозлигини кайси йўналишда давом эттириши хозирданок маълум, чунки, хусусий шикоят ва хусусий протест келтириш муддати аллакачон ўтиб кетган. Кизик, нахотки, Каримов шундай йўллар билан замонавий давлатчилик яратмокда.

24 май: «Бирлик»чи хукуматнинг «хукук химоячисини» мувозанатдан чикарди

22 май куни Самарканд шахрида хукуматнинг Инсон хукуклари маркази рахбари Акмал Саидов ва БМТнинг Инсон Хукуклари бўйича Комиссарини Марказий Осиёдаги Минтакавий Маслахатчиси Р.Мюллерсон иштирокида «Демократик жамият барпо этишда нодавлат ташкилотларнинг роли» мавзусида Давра сухбати бўлиб ўтди. Бу тадбирга Ўзбекистон Инсон Хукуклари Мустакил Ташкилотининг вакили сифатида Холикназар Ганиев хам таклиф килинди. Эслатиб ўтамиз, бу киши, айни замонда, «Бирлик» раиси ўринбосари ва партиянинг вилоят ташкилоти раисидир.

Мажлисни олиб боган Акмал Саидов иложи борича ўзи гапиришга ва бошкаларга гапириш учун вакт колдирмасликка харакат килди. У асосан сафсатбозлик билан машгул бўлди, хукуматнинг нодавлат ташкилотлар йўлига кўймокда бўлган тўсикларни хеч тилга олмас экан, «жамоат ташкилотларини рўйхатга олишда муаммолар колмаяпти» деб даъво килишгача борди. У билан мунозарага кирган Холикназар Ганиев «Бирлик» Халк Харакати Партияси рўйхатга олинмаётганини эслатганда, Акмал Саидов анча мувозанатдан чикиб кетди ва бир кун аввал бу тўгрида махсус матбуот конференция ўтказган Адлия вазири Полвонзоданинг гапларини, хусусан, «Бирлик» вазирликка топширган партия аъзолари рўйхатларида сохтагарчиликлар борлиги хакидаги гапларини жахл билан сўзма-сўз такрорлади. Холикназар Ганиев ўзининг «Бирлик» рахбарларидан бири эканлигини эслатиб, партия аъзолари рўйхатларда сохта имзолар бўлмагани, вазир исботсиз гапиргани, «Бирлик» бу масла бўйича судга мурожаат килмокчи эканлигини билдирди.

26 май: «Бирлик» Партияси Марказий Кенгашининг мажлиси

Бугун Тошкентда «Бирлик» Халк Харакати Партияси Марказий Кенгашининг навбатдаги маждиси бўлиб ўтди. Унда Марказий Кенгашнинг 38 аъзосидан 25 нафари катнашди. Мажлис кун тартибини тайёрлашда фаол катнашган ва кун тартибидаги хамма масалаларнинг мухокамисини ўз ичига олган маърузасини Вашингтондан юборган партия раиси Абдурахим Пўлат хам мажлис иштирокчиси деб хисобланди.

Мажлисда 7 масала кўрилди. Булар: 1. Партияни рўйхатдан ўтказиш жараёнининг бориши; 2. Партиянинг махаллий ташкилотларини тузиш ва партияга янги аъзолар жалб килиш; 3. Сайловларга тайёргарлик; 4. Мухолифатни бирлаштириш масаласи; 5. Мухаммадали Корабоевнинг камалиши хакида; 6. Сорос Фондининг рўйхатдан ўтказилмаганига муносабат; 7. Адлия вазирининг 21 майдаги матбуот конференцияси хакида.

Марказий Кенгашда кўрилган асосий масалаларнинг биринчиси партияни рўйхатдан ўтказиш жараёнининг бориши хакида эди. Адлия вазирлигининг «Бирлик»ни рўйхатга олишдан бош тортиб, конунларни оёк ости килаётгани хусусида тушунтириш иши олиб бориш ва Адлия вазирлигининг хатти-харакатлари устидан Олий судга берилган ариза бўйича ишларни давом эттиришга келишилди.

Мажлис катнашчилари партиянинг махаллий (шахар, туман ва бошлангич) ташкилотларини тузиш бу йил бўладиган парламент сайловларига тайёргарликнинг узвий кисми эканлигини хисобга олиб, бу ишни вилоят Кенгашларининг хозирги боскичдаги асосий иши деб белгиладилар. Айни заманда, Ўзбекистондек мамлакатда етук партиянинг аъзолар сони 50-100 минг киши бўлиши керак, деган фикрдан келиб чикиб, якин 3 ой ичида партия аъзолари сонини 30 минга етказиш кампанияси бошлаш хакида карор кабул килинди.

Бу йил бўладиган сайловларга тайёргарлик кўриш хусусида тегишли карорлар тасдикланди. Жумладан, вилоят ташкилотларига 1 ой ичида ўз худудларидаги сайлов округларининг кайси бирларидан номзод кўрсатабилишларини белгилаб, бўлажак номзодлар рўйхатини тайёрлаш вазифаси топширилди.

Марказий кенгаш партия раиси Абдурахим Пулат тарафидан тайёрланган «Мухолифат партияларига бирлашиш чакириги» номли Баёнотнинг лойихасини мухокама килди ва айтилган фикрлар билан тўлатилган Баёнот матнини тасдиклади. Бу Баёнот «Давра Кенгашининг» кейинги мажлисида бошка мухолифат партияларининг вакилларига такдим килинади.

Шунингдек, мажлисда партиянинг Наманган вилояти ташкилоти раиси Мухамадали Корабоевнинг милиция тарафидан ушлаб турилиши ва Сорос Фондининг Ўзбекистон бўлими рўйхатдан ўтказмаганлиги хусусида норозилик баёнотлари кабул килинди, бу масалалар бўйича килинадиган ишларнинг режалари тузилди.

Марказий Кенгаш мажлиси Адлия вазири Полвонзоданинг 21 майда ўтказган матбуот конференциясига муносабат билдирувчи «Бирлик»нинг Баёнотини кабул килди. Баёнотда Адлия вазирининг баъзи гаплари ёлгон, баъзилари эса хакикатни бузиб кўрсатиш деб бахоланди.

Марказий Кенгашининг баёнотлари матбуотда, хусусан, «Бирлик»нинг сайтларида эълон килинади.

27 май: «Бирлик» Олий Судга кайта мурожаат килди

Аввалги хабарларимиздан маълумки, «Бирлик» Партияси Адлия вазирлиги устидан Олий Судга шикоят килиб, ўз шикоятномасида Адлия вазирлиги «Бирлик» Халк Харакати Партиясини ёки рўйхатга олиши ёки унга рад жавоби бериши кераклигини, аммо, вазирлик Ўзбекистоннинг «Сиёсий партиялар тўгрисида»ги конунига зид равишда аризани «окибатсиз колдиргани»ни билдириб, Адлия вазирлигига конунлар бўйишча ишлаш мажбуриятини юклаш ва «Бирлик» Партиясини 1 мартдан эътиборан рўйхатга ўтказилди деб хисоблашни талаб килганди.

Олий Суд судьяси Х.Холмурзаев «Бирлик Халк Харакати Партиясининг Адлия вазирлигини хатти-харакатлари устидан берган аризасини кабул килиш рад этилсин. Ажрим устидан 10 кун ичида хусусий шикоят ва хусусий протест келтирилиши мумкин», дея Ажрим чикарганини хам билдиргандик.

Бугун олинган хабарга кўра, 25 май куни «Бирлик» Партиясининг ишончли вакиллари Васила Иноят ва Рухиддин Комилов Олий Судга янги шикоятнома топширганлар ва Адлия вазирлигининг ноконуний хатти-харакатларини биринчи инстанция сифатида Олий Судда кўриб чикилишини кайта сўраганлар. Шикоятномада «Бирлик»нинг талаби Ўзбекистон конунлари доирасида эканлиги далиллар билан кўрсатиб берилган. Олий Суднинг килиши керак бўлган нарса - Ўбекистон конунларига риоя килишдир холос, деб хулоса килади мухбиримиз.

1 июнь: «Бирлик» Партияси Фаргона вилояти Кенгашининг мажлиси

30 май куни Кўкон шахрида «Бирлик» Халк Харакати Партияси Фаргона вилояти ташкилоти Кенгашининг навбатдаги мажлиси бўлиб ўтди. Кенгаш ишида вилоятнинг Бувайда, Фуркат, Учкўприк, Ўзбекистон туманлари, Маргилон ва Кўкон шахарларидан 20 нафар Кенгаш аъзолари иштирок этдилар. Кенгаш кун тартибидаги 4 масалани кўриб чикди: 1. Партия Марказий Кенгашнинг 26 майдаги мажлиси хакида ахборот. 2. Марказий Кенгаш карорлари асосида партияга янги аъзолар жалб килиш бўйича 3 ойлик кампания ўтказиш. 3. «Бирлик»нинг шахар ва туман ташкилотларини ташкил этиш. 4. Вилоят Кенгашига янги аъзолар номзодини тасдиклаш.

Биринчи ва иккинчи масалалар бўйича «Бирлик» раисининг ўринбосари Хамдам
Сулаймонов Кенгаш катнашчиларига 26-чи май куни Тошкент шахрида бўлиб
ўтган партия Марказий Кенгашининг карорлари тўгрисида тўла ахборот берди ва партия раиси Абдурахим Пўлатнинг МК кун тартиби бўйича ёзиб юборган хатини ўкиб берди.

Учинчи ва тўртинчи масалалар буйича «Бирлик»нинг Фаргона вилояти ташкилоти раиси Адхам Мухитдинов вилоятда кейинги даврларда килинган ишлар бўйича ахборот бериб, камчиликлар устида тўхтаб ўтди. Унинг фикрича, вилоятда етарлича ишлар килинмаган, халигача хамма туман ва шахарларда махаллий ташкилотларнинг конференциялари ўтказилмаган. Адхам Мухитдинов партия Марказий Кенгаши карорларидан келиб чикиб, вилоят бўйича партияга камида 4 минг янги аъзо жалб килиш кераклигини айтди ва бу ишларни ривожлантириш учун янги тузилган туман раисларини вилоят Кенгашига аъзо килиб олиш таклифини киритди. Бувайда туманидан Одилжон Юсупов, Ўзбекистон туманидан Шарифжон Бойназаров, Султонали Хайдаров, Риштон туманидан Кахрамон Ахмедов, Нуъмонов Баходир ва Маргилон шахридан Исроилжон Тешабоевлар йигилиш катнашчилари томонидан вилоят Кенгашига аъзо этиб сайландилар.

Кенгаш хамма кўрилган масалалар бўйича тегишли карорлар кабул килди.
Кенгаш ишида «Бирлик» Партияси раиси ўринбосарлари Пулат Охун, Исмоил Дадажон ва Марказий Кенгаш аъзоси Эргашбой Кўшматовлар иштирок этдилар.

2 июнь:«Бирлик» Адлия вазирини судга берди

«Бирлик» Халк Харакати Партиясининг ишончли вакиллари Васила Иноят ва Рухиддин Комиловлар Адлия вазири Абдусамат Полвонзодани унинг 21 майдаги матбуот конференциясида «Бирлик»нинг шаънига тегадиган гаплари учун судга бердилар. Ўзбекистонда кабўл килинган нормаларга кўра, шикоят аризаси Олий судга берилди. «Бирлик» Адлия вазиридан нотўгри гаплари учун кечирим сўрашни ва пул товони тўлашни талаб килмокда.

Олий суднинг биринчи реакцияси хам маълум. Олий суд Васила Иноят ва Рухиддин Комиловлардан «Бирлик» Халк Харакати Партияси томонидан уларга берилган ишонч когозининг (Марказий Кенгаш мажлиси протоколининг) нусхасини эмас, нотариусдан тасдикланган аслини олиб келишни талаб килдилар. Бугун «бирлик»чилар протоколнинг асл нусхасини судга топширдилар.

14 июнь: «Бирлик» Ўзбекистон суди тарихида яна бир сиёсий жараён бошлатти

Бугун Ўзбекистон Республикаси Олий Судининг фукоролар иши бўйича судида (судлов хайъати раиси Худойкулов Зокир, аъзолари Абдуазимов Файзулла ва Ёдгоров Холмўминлар) мамлакат прокурори ёрдамчиси МахмудТўраев иштирокида «Бирлик» Халк Харакати Партиясининг Адлия вазирлиги устидан берган аризасини кўриш бошланди. Маълумки, «Бирлик» ўз аризасида вазирликни партияни рўйхатга олмасликда айблаганди.

Судда «Бирлик»нинг ишончли вакиллари сифатида Васила Иноят ва Рухиддин Комиловлар катнашдилар. Суд раиси биринчи бўлиб Адлия вазирлиги томонидан такдим этилган хатни ўкиб эшиттирди. Унга кўра, вазирлик судга тайёрланиш учун кўшимча вакт сўраган. Суд ўз жойида маслахатлашиб ва томонларнинг фикри билан танишиб, суд мажлисида 24 июнь соат 11 гача танаффус эълон килди ва келаси мажлисга Адлия вазирлигидан вакиллар келиши таъминланишини билдирди.

Суд мажлисида АКШ, Буюк Британия элчихоналари, «Хюман Райтс Вотч»нинг Ўзбекистондаги офиси вакиллари ва чет эл оммавий ахборот воситаларининг журналистлари кузатувчи сифатида катнашдилар.

Шу ерда кўпчилик билмаган бир вокеани эслатиб ўтиш лозим. 1992 йилнинг бошида «Бирлик» халк харакати таркибидаги Бирлик партияси Адлия вазирлиги томонидан рўйхатга олинмаганида хам партия вакиллари Олий Судга мурожаат килгандилар. Суд хайъати ўша вактлар учун мисли кўрилмаган жасорат кўрсатиб, суд мажлисига ўша вактнинг Адлия вазири Мухаммад Бобир Маликовни чакиришга карор килгач, судья ва халк маслахатчилари аввал касаллик варакаси бўйича таътилга, кейин мехнат таътилига жўнатилганлар. Кейинчалик хам бу иш давом эттирилмаган. Бу вокеанинг тафсилотлари билан «Харакат» журналининг 2004 йил 2 (47) сонидаги «Бирлик» ва хукумат: хукукий майдондаги кураш» маколасида танишиш мумкин (www.harakat.net)

Олий Суд Адлия вазирини «Бирлик»дан химоя килмокчи

«Бирлик» Партияси Бош котиби Васила Иноят номига Ўзбекистон Олий Судидан почта оркали кеча келган хатда Адлия вазири Абдусамат Полвонзоданинг шу йил 21 майдаги Матбуот конференциясида «Бирлик» шаънига тегувчи айтган гаплари юзидан берилган аризани кўриб чикиш Олий Суднинг зиммасига кирмаслиги айтилган. Лекин, кайси суд органига мурожаат килиш лозимлиги хам кўрсатилмаган.

Бу хусусда партиянинг ишончли вакиллари кайтадан Олий Судга ариза бериб, Полвонзоданинг баёноти билан боглик ишни партияни рўйхатга олиш иши билан бирга кўшиб олиб боришни, бунинг иложи бўлмаган такдирда, Ўзбекистон конунларига мувофик, кайси суд органига мурожаат килиш кераклиги хакида ажрим чакириб беришни сўрадилар.

24 июнь: Олий судимиз Адлия вазирлигининг кўзини чўкимайди

Бугун соат 11 да Ўзбекистон Олий Судида «Бирлик» Партиясининг Адлия вазирлиги устидан берган аризачси бўйича 2-чи мажлис бошланди. Бошландию, Адлия вазирлигининг вакили келмагани учун соат 15 га колдирилди. Маълумки, «Бирлик» Адлия вазирлигини вазирлик «Бирлик» Партисини рўйхатдан олмаётгани учун судга берган эди.

Соат 15 да бошланган суд мажлисида «Бирлик»нинг вакиллари Васила Иноят ва Рухиддин Комилов ўз иддаоларини айтдилар. Улар суд хайъатига бу залда Самарканд, Жиззах, Сирдарё, Тошкент вилояти ва Тошкент шахридан бир катор гувохлар ўтирганини, улар ўзларини кандай килиб «Бирлик» аъзоси бўлишга рози бўлиб кўйган имзоларидан воз кечтирилганларини айтиб беришга тайёр эканликларини билдирдилар. Айни пайтда, уларнинг нотариус томонидан тасдикланган ёзма кўрсатмаларин судга топширдилар.

«Бирлик»чиларнинг биронта иддаосига Адлия вазирлигининг вакили Абдусатторов жавоб беролмади, дейди суд залида бўлган мухбиримиз. Энг кизиги суд раиси ва аъзолари хам Абдусатторовни саволлар билан кўмиб ташладилар, уларнинг хам саволларига хам асосли жавоб берилмади.

«Бирлик»чилар хамма саволларга аргументли жавоб бериб, ишни феълан ўз фойдаларига хал килдилар. Лекин, суд на уларнинг жавобларига на Адлия вазирлиги вакилининг нўноклигига эътибор хам бермасадн, аввалдан тайёрланган Ажримни ўкиб бердилар. Унга кўра, Адлия вазирлигининг «Бирлик»ни аризасига берган рад жавоби ўз кучида колдирилади. «Бирлик» ўтнатилган тартиб доирасида Олий Суд раисига назорат тартибида шикоят аризаси бериш ниятида.

Суд мажлисида АКШ, Буюкбритания, Германия элчихоналари, ЕХХТ, HRW, Интернюс ва АКШ Республикачилар институтининг вакиллари, Би-би-си, Озодлик, Associated Press, Reuters, «Харакат»нинг мухбирлари катнашдилар. Улар эрталаб хам келишганди, тушдан кейин хам кайтиб келишди.

Тахририятдан: Хуллас, «Бирлик»нинг мавжуд хукумат билан хукук майдонида олиб бораётган кураши тугамади. Демак, адолатнинг галабаси учун, Ўзбекистонда хукук давлатининг асосларини яратиш учун жанг давом этади.