Эр Али Сокин - Тугён (Романнинг давоми)
(Тарихий-публицистик роман. 2- кисм)

Уша мажлис булган кеча Дадахон Хасан эрталабгача ухлай олмади: у ёнбошидан бу ёнбошига, бу ёгидан у ёгига агдарилди, кани уйку келса... Урнидан туриб хонада у ёкдан-бу ёкка, бу ёкдан-у ёкка юра бошлади, уй торлик килиб ховлига чикди...

«Ажабо! Нахотки, бизнинг юртимизда хам халк фронтининг ташкилий кумитаси тузилди-я!? Ахир, бундай вокеа юз йилда бир бор юз берди-ку... 20-йилларда шундай уюшма тузилгани хакида хабарлар бор. Зиёлилар хар хил уюшмалар тузиб, хатто Туркистон мухториятини эълон килишган. Сунг ленинчилар уларни кириб ташлашган. Аср охирига бориб тарих яна такрорланяптими? Нахотки бизни хам...

Йук, йук... хозирдан бу куфр уйларга бормай... Бугун улуг кун. Бу кунни виждонли зиёлилар неча йиллардан бери кутишган. Ахир шундай уюшма тузиш хар биримизнинг орзуимиз eдику?! Горбачев ошкоралик бердию бошка республикалардан кейинрок булса-да, туркий узбеклар хам гимирлаб колди. Сал калласи ишлайдигани, бир-бирига биз хам бир уюшма тузайлик, Ботикбуйида ундай булибди, Кавказортида бундай булибди, качонгача итнинг охирги оёги булиб юрамиз, деб гапириб ётишувди. Аммо хамманинг хам журъати етмаётувди.

Мухаммад Холикка неча гал борди. “Тузайлик, энди, уят булиб кетди-ку”, деб. У хам галга солаверди. Дастурини ёзайлик, низомини тузайлик, дея яна бир чузди. Охирги борганда, йигитлар Дастурни хам тайёрлашди, энди узингиз билган, ишонган одамларингизни йигсангиз булади, каерга йигиламиз, деб сураб хам колди. “Бизнинг уйга-да, каерга буларди”, деб юборди у, даб-дурустдан...

Айтганда айтдию, кейин бир оз хайикиб хам колди. КГБ билиб колса, шурига шурва тукилади. Калтак унинг бошида синиши турган гап. Ахир бу хазил иш эмас...

60-йилларда, университетда укиб юришганда “Хамзачилар” деган тугарак тузишганди, деворий газетаси хам бор эди, Файзи Шохисмоил мухаррир эди. Мажлисларда гап Хамза хакида, ижодий ишлар тугрисида кетардию, кейин КПССнинг ХХ съезди, Москвадаги ижодий рух, Евтушенко, Вознисенскийларга бориб такаларди. Кимлардир узимизнинг шоир ва адибларимиз, хамду санодан бери келишмаётганини айта бошлар, бировлар бу гапга карши чикар, мактаб туриб хам сукиш мумкин, деб коларди.

Бир куни ёзувчи-шоирларнинг журъатсизлиги хусусида хам гапира бошлашди. У хам бу гапга кушилди. Хаяжонланиб кетиб “Она Туркистон” шеърини укиб берди. Шу куниёк бу тугаракка “куз” тегди. Хамзачилар бошлиги Собирни, куп утмай уни хам, КГБга сурокка чакиришди. “Нимага тузгансизлар, максад нима?” деб, гапни айлантира бошлашди. “Хамза революцион шоир булса, ушанинг ижодини урганяпмиз-да”, деб кутилмокчи булди. Аммо асосий ният факат Хамза эмаслигини билади, бу зангарлар...

Шу савол-жавобдан сунг уни бекорга ун беш суткага камашмади. “Мен Туркистон деганда тарихдаги Туркистонни кузда тутиб ёзганман, хали хеч ерда чоп этилмади, Узбекистон” деб узгартириб куя коламан, деб кутилди. Собир роппа-роса 2 ой йук булиб кетувди, ушанда... Якинда эшитса, уни КГБ ертуласида роса таъзирини беришган эмиш. Аммо куплаб сафдошлари хеч нарсадан бехабар укишини укиб юраверишганидан у хайрон булди. Узбек бундай ишларга хали тайёр эмас эканда, деб уйлаганлари эсида.

Хали хам бирон гап айланиб колса, кечаги йигилганларнинг хаммаси думини хода килиб кетса-я? Йуге, улар хам жа, мен уйлагандай куркок эмасдир, шу ерга “Халк фронти тузамиз”, деб келибдими, демак, хазилакам йигитлар эмас. Биз гохида факат узимизнигина ватанпарвар деб уйлаймиз, аслида хамманинг хам юрагида ватан дарди бор, факат биров буни айтади, биров эса айта олмайди. Уларни бир сафга уюштирувчи куч хам йук-да. Купчилик адиб ва шоирлар, зиёлилар юрагида бу дард борлигини якинда Абдулла Шердан эшитиб хайрон колди. Унга хам Болтикбуйи, Кавказортидаги вокеалар, улар тузган халк фронтлари хакида гапирган эди, дабдурустдан, биз хам бир пайтлар шундай давра тузганмиз, деб колди. Бу даврамизда Аскар Косим, Мухаммадали Кушмоков яна Келди деган йигит бор эди, деб Аскарнинг шу даврага багишланган шеъридан парча хам укиб берди... Бир пайтлар Мухаммад Холик хам шу хил давра туздик, кушилмайсизми, деб юрганди. Сафдошларидан бир хилларини айтгандан кейин уларга якинлашмади. Аммо хозирги давра бошка. Фан докторлари, номзодлари, ёзувчи ва журналистлар...

Аммо уларнинг ичида бутун Узбекистонга танилган, каттарок ёшдаги одамлар йуклиги барибир ажабланарли. Катта ёшдагилар юрак олдириб куйганми, ёки улар бу хакда эшитмай колишганми... Аслида бу хил фронтларга обрули, буюк одамлар бошчилик килишлари керак. Кани энди Чингиз ога бу ишга рози булсаю, барча туркий халклар бош кушса... Кани эди... Эх, шундай булганида мени отиб ташлашларига хам рози эдим. Туркийлар хам бирлашармикан, эй, Оллох! Нахотки, тушларимиз унг келиб, ишлар юришиб, биз хам озод була олсак! Хеч булмаса, мухторият олсак. Узимиз йиккан хосилни узимиз еб, уз тилимизни, дин-имонимизни асраш имкониятига эга булсак?! Эй, Худойим, шундай кунларга етказсанг, жонимни беришга рози эдим. Унинг кузларига ёш куюлиб келди...

“Астахфурулло”, деб куйди, ичида. Яна уйлар уни банд эта бошлади... Ким бу уюшмага бошчилик киладию, ким бу халкни оёкка тургазади? Уз ичимиздан лидерлар чикармикан? Бу халк качон одам буларкан? Абдулла “Качон халк буласан, eй, сен оломон”, деб ёзувди, кейинчалик бу мисрани мухаррирлардан бири кушиб юборган, деб эшитдим. Аммо нима булганда хам, шу мисраларни уз номидан чикишига рози булибдику!? Аммо у лидерликка ярамайди, касалманд. Талабалик йилларидан бери у дардмандликдан бери келмайди, бунинг устига оби-замзамга учрок. Одил Ёкубчи? Одил аканинг мардлиги бор. Бунинг устига халк депутати. Шу булса, зур буларди. Айтиб куриш керак. Кремлдан туриб узбекнинг дардини айтганлардан бири шу булди. Аммо энди юкоридагилардан хайикса керагов, бир ёги ёзувчилар уюшмасининг раиси...

Кечаги йигитларнинг ичидан... Йук, уларнинг ичида лидерликка арзийдигани борга ухшамайди, тагин ким билади. Мухаммад Холикнинг узи... Умуман, миллиятчи йигит. Москвада укиб келган булса хам миллатни шунчалик яхши курадики, хайрон колади, одам. Хоразмдай жойдан шундай йигит чиккани ажабланарли... Шеърлари хам ажабтовур, тушиниш кийин. Аммо айримлари жуда тагдор, кочиримларни боплайди. Публицистикада бало, журъатиям бор. Кизик, бундан бир йилча олдин, ёзувчилар уюшмасига котиб булгандан бир оз кейин, “Дадахон ака, нега ёзувчилар уюшмасига кирмагансиз”, деб сураб колди. “Ун йил олдин, ариза бериб куйганман, олмасанглар нима килай, ялиниб йиглайми?”, деди у ачитиб. “Мана китобларингиз чикди, утинг, энди узимиз ёрдам берамиз”, кунглини кутарди. Гапида туриб, у хам ёши 50ларга борганда ёзувчилар уюшмасига аъзо булди. Аммо уюшма дегани нима хам буларди. Ёзувчининг оёк-кулини боглаб берадиган бир ташкилотда.

Холик лидер булса... Хар холда миллатини яхши курадику! Узбекку!? Лекин, ёшрок-да, лидерликка каттарок, буюкрок, ок-корани таниганрок одам булганида яхши булармиди... Билмадим, кузим етмайди. Ишкилиб шуларнинг ичидан лидер чикмаса хам, соткин чикмаса булди.

Холик лидер булармикан? Аввал халк фронти тузишни ёзувчилар уюшмасига котиб булгани учун оркага суряпти, деб уйлаганди, бугун фикридан кайтди. У бундай мансабларни мансаб деб биладиганларга ухшамайди. Аммо унда кеча нeга “Мени хайъат-пайъатга кушиб юрманглар, шусиз хам ёрдам беравераман”, деди? Миразиз ака хам эътикодли одамлардан... аммо Миразиз ака хам касалманд. Кеча у хам мени хайъатга киритмай куяколинглар, мен шундай хам ёрдам беравераман, деб Хoликнинг гапини такрoрлади. Демак, якинрокдан туриб катнашмокчи эмас. Рауф энди дарвеш, эътикодли дарвеш. Бошкалар-чи? Бошкаларига ишониб булармикан? Айтганча, кеча Абдукодир Эргаш билан Пулат Зохидов дегани хам Хайъатга кирмайман, дегандай килдиёв. Бири докторлигимни киламан, деди, яна бири Москвадаги укишимни давом эттираман, дегандай булди. Бахтиёр Каримов кираман хам, кирмайман хам демади. Тохир Каримовни унчалик танимайман... Ахмад Аъзам, Зохир Аълам... йук булар хам лидер булолмайди...

Айтганча, кечаги йигилишда бир-бирига ухшаб кетадиган, бири 40, бири 30ларга бориб-бормаган икки йигит хам борди. Холикдан бу йигитларнинг кимлигини суради. Ака-ука Пулатовлар, уларга ишонса булади, уз одамларимиз, деди. Ош устида мажлиснамо гаплар хам булди. Узи-ку чикиб-кириб мехмонларга хизмат курсатиш билан банд eди, аммо кулогига кирган гап-сузларга караганда, уша ака-укалардан анча-баъмани гаплар чикдиёв...

Аслида сал олдинрок тузишса хам буларди, шу халк фронтини. Майли, шунга хам шукур, хечдан кура кеч, дейишадику! Зап иш булди-да. Тагин менинг уйимда-я! Тарихий гап булди. Ишкилиб охири бахайр булсин... Хали олдимизда кандай кунлар бор, Худонинг узига аён...».

Тонг ёриша бошлаганди. Эсига яна узига булган зугумлар тушиб, юраги туз сепгандай ачиша бошлади. Хамзачиликдан кейин узи узок вакт жим юрганди. 70-йилда Лениннинг юз йиллиги бахонасида бир анжуман булди. Афишага Яшин, Уйгун, Туроб Тула, Назир оталарнинг отини ёзиб, Дадахон Хасан кушик айтади, деб кушиб куйишган экан. Одамлар Лениндан хам кура кушикка келишганми, казо-казоларни гапиришга куйишмади. Ёшлар ер тепиб хуштак чалишарди. Свердлов концерт залининг директори Дадаали ака Соатов унга бир-икки ашула айтиш керак, деб ишора килди. У торни кутариб сахнага чикканда карсак ва хуштакбозлик тухтади. У хам залдагиларнинг кунглига мос ашулани айта бошлади:

Туркистондир менинг асли маконим,
Самоларда учар шарафим, шоним.
Темур бобом, жахонгирим, султоним,
Жахонни махлиё eтган Ватаним,
Ер юзида донг таратган Ватаним,
Сенга фидо булсин рух ила таним,-




Бу ашулани айтганда, залдагиларнинг карсаги, хайкириги оламни тутгандай булди. Туроб Тула чикиб «Ашула эшитиш яхши, аммо гох соз, гох сухбат, дегандай, биз Ленин бобомизнинг юз йиллига йигилганмиз”, деган эди. Одамлар уни бошка гапиришга куйишмади. Залдагилар тинчийвермагач, у яна сахнага чикди: Рауф Парфининг “Отамни курмадингизми?”, Абдулла Ориповнинг “Мумин Мирзо укам, сени улдирдилар”, деган кушикларини айтди. Зал тинчидию, аммо концерт охирламай туриб уни яна КГБчилар олиб кетишди...

Етмиш олтинчи йилда шу хил вокеа яна бир бор такрорланди. Ёшларнинг кизикишларини хисобга олдими, Худо кунглига солдими, филормония директори Кодир Содиков уни чакириб, 11-12 февраль кунлари концертингизни утказсак, деб колди. Табиий, у хурсанд булди. 11 февралдаги концерт яхши утди-ю, 12чида уни яна КГБ ходимлари олиб кетиб колди... Бир амаллаб, тилхат ёзиб бериб кутилди. Уларда магнит тасмасига ёзилган кушиклари хам бор экан. Хар бир кушикка изох беришга тугри келди.

Бир ойлар чамаси утгач Уткир Рашид уни “Совет Узбекистони”да фелъетон килди. Фелъетон кургур хам “Лентадаги огулар” деб номланганди. Яхшиям уша тахририятда ишлайдиган юмшоккунгил журналист дусти - Махкам Махмуд газета корректурасини укиётиб унинг исмини олиб ташлабди. Акс холда, яна КГБчилар шугулланармиди. Аммо бу гал худонинг узи асрасин, уларнинг кулига тушса сог куйишмаса керак... Ишкилиб Горбачев омон булса, хеч нарса булмас, шу одам келдию, бутун юртда ошкоралик, демократия деган гаплар бошланди, хар холда одамлар уз дардини айтадиган булди. Горбачев омон булсин, ишкилиб. Отасига рахмат шу уриснинг... Бир шеър ёзиб, кушик килиб, шуни отини кушиб куйласа, КГБнинг хам огзи ёпилармиди...

У шу уйлар билан уйига кириб кетди. Кулига торни олиб, узича, “Михаил Горбачев Сизга, рахматларим бор”, дея мингирлабгина кушик айта бошлади. Сунг кулига калам олиб матнини тузди. Кушик матни ёзилгандан кейингина чарчагани билинди. Узиям бу пайт аллакачон тонг отиб, куёш терак буйи кутарилган эди. Ёстикка ёнбошлаб уйкуга кетди.


* * *
Шу арафаларда Оролни асраш кумитаси фаолияти хам янада жонланди. Адлия вазирлигида руйхатдан утиб олган кумита ёзувчилар уюшмаси билан хамкорликда бутун Иттифокдан сув хужалиги мутахассислари, экологлар, геогрофлар, ёзувчи ва журналистларни жалб eтиб, Оролбуйи худудларида анжуманлар утказишар, бу анжуманларда Орол кумитаси фаолларидан бири сифатида Жаъфар хам катнашарди. Бундай юришлар пайтида Кораколпогистон ва Хоразмдаги хокимият ва жамоатчилик вакиллари, ёзувчи-олимлар кушилиб олиб, мажлислар кизгин утар, махаллий хокимият бу анжуманларга гох юкоридан келган комиссияга карагандай, гох узларининг дардларига дармон буладиган холоскорларга карагандай карар, хар бир мажлис ёки учрашувдан кейин кайсидир ошхонада зиёфатнамо утиришлар буларди. Жаъфар бу зиёфатларнинг маблаги халкнинг чунтагидан кетаётганини хали билмасди.

Жаъфар бундай анжуманларда асосан югур-югур ишларни бажарар, нега шу хил юмушларни бажараёганини, нега тайёрагохларга бориб, мехмонларни кутиб олишу, уларни мехмонхоналарга жойлаштириш унга топширилаётганини узи хам билмасди: бу ишлар гуё унга одатдаги юмуш була бошлаганди. Пирмат Шермухаммад хам, “Жаъфар, бугун фалон жойга бориб келишинг керак”, “пистон иш колиб кетяпти”, дерди. Энди билса., битта у эмас, бошкалар хам югур-югурдан бушамаётган экан.Бу хил ишларни бажариш гуё уларнинг виждоний бурчи, эътикодига айланган эди. Жаъфар узича, Оролга, бу худуддаги ахолига чин дилдан ачинар, шу анжуманлар, гап-сузлар сабаб булиб марказий хукумат денгизни куришини олдини олар, деб уйлар, уша жойларга якин ерда тугилиб усгани учунми, юртнинг ва халкнинг фожиали холатига чин дилдан ачинарди. Ёлгиз клган пайтлари, нахотки, бутун Кораколпок, Хоразм ерларини туз босиб, одамлар бу ерлардан кучиб кетса, ота-боболарнинг хоки нима булади? Аждодлар яшаган ерлар куп-курук сахроларга айланса, кадимий Хивадан ном-нишон колмаса, деб куюнар, фикрларини гох макола, гох шеър шаклида когозга тушириб, галадонига солиб куяр, улардан баъзиларинигина тахририятга топширар, нафсиламбирини олганда, хам институтда дарс бериб, хам бу хил ишларни бажаргани учун утириб жиддийрок нарсалар ёзишга вакти хам йук эди. Узини шу ишларга масъул деб билган дустлари катори бир тийин беришмаса хам, биров рахмат айтмаса хам югургани-югурган эди.

Шу хил анжуманлар уюштирилаётган кунларнинг бирида унга Пирмат Шермухаммад Бакудан келиши керак булган академик Зиёд Бунёдовни кутиб олиш лозимлигини айтиб колди. Учок соат эрталабки бешларда кунар eкан. У тайёрагохга кечкурун бориб ётиб, кутиш залида мудраб тонг оттирди. Зиёд Бунёдовни кутиб олиб, тагин уз хисобидан такси ёллаб, ёзувчилар уюшмасининг Дурмондаги ижод уйига олиб борди.

Ёши етмишларга бориб колган,узун буйли, чузинчокдан кура япалокрок юзли,кунгир кошли, кукиш кузли, одам экан, Зиёд ога. Йул буйи гаплашиб кетишди. Унинг Хоразмдан эканлигини эшитиб, Зиёд ога хурсанд булди.

- О, Хоразм... Чух гузал, чух буюк юртдиир...- деди “и” чузиб. Жаъфар унинг Хоразм хакидаги китобини курган аммо укишга улгурмаган эди. Аммо оганинг кунгли учун: “Хоразм хакидаги китобингизни укидим, яхши”, деб куйди. Аммо ёлгон гапираётгани учун ичида хижолат булди. Зиёд ога унинг бу гапидан хурсанд жилмайди.

Кораколпогистонга борганларида “Жаъфар, биласаан, бизда-да, шу ернинг одамларига ухшаган одамлар вор, уларни корапапахлар дейдии”, деб, коралапахларнинг жанговар халк эканлиги, Озарбайжондаги харбий лашкарбошилар улардан етишиб чиккани хакида сузлади.

Хар гал Кораколпогистондан сунг мехмонларни Хоразмга олиб бориш, Хивани зиёрат килдириш одат тусига кирган эди. Хоразмга борганларида мехмонлардан ун-ун беш чоглик кишини мактабдош дусти Бахтиёрнинг уйига олиб борди. У хам танти ва жумард йигит эмасми, куй суйиб мехмон килди, келганларнинг кунглини олди. Бахтиёрни Пирмат Шермухаммад хам танирди, нимагадир мехмонларга уни Жаъфарнинг эмас, узининг якини деб таништира бошлади. Жаъфар ажабландию, аммо индамади. “Мехмонларга мезбон кимнинг якини булишининг нима ахамияти бор”, дея уйлаб куйди. Зиёд Бунёдов Бахтиёрга Хоразм хакидаги китобига дастхат ёзиб берганди, хайрлашиш арафасида елкасига тун ёпди. “Зиёд ога! Менинг биттагина углим бор, Оти Дилмурод, Сизга ухшаб академик олим булсин, бир дуо килинг”, деб унинг дуосини олди. Бу илтифот Зиёд оганинг ёдида колган экан, Жаъфар билан хайрлашиш олдидан “Хивага борсанг, Бахтиёрга салом айт”, деб алохида таъкидлади.

Бу пайтга келиб, халк фронтининг ишлари хам жонлана бошлаган эди. Аммо дастлабки, халк фронти тузилди, деган гап унчалик тугри булмай чикди. Бу атама урнига бироз юмшокрок атама кулланила бошланди. Зеро ротопринтда чоп этилган биринчи дастур тепасида “Узбекистон табиати, ер ости ва ер усти бойликларини химоя килгувчи “Бирлик” халк харакати”, деган ёзув турарди. Харакатнинг Ташкилий кумитаси узининг хафталик мажлисларини утказар, мажлислар уюштирар, йигинлар гохида кичикрок митинг тусини оларди. Баъзи жонкуярлар Ташкилий кумта мажлисларини хам канда килишмас, уларда Республикада юз бераётган вазият, жойларда “Бирлик”нинг таянч гурухларини тузиш каби масалалар мухокома килинар, килинган ишлар юзасидан хайъат аъзолари-ю, оддий бирликчилар хисобот беришар, ишкилиб, хеч ким тинч утирмасди. Гохида ёзувчилар уюшмасининг катта залида мажлислар булиб колса, буни Орол кумитаси чакирдими, “Бирлик” ташкил килдими, ажратиш кийин эди. Зеро Оролчиларнинг куплари “Бирлик”ка кириб кетган, бирликчиларнинг анча-мунчаси Орол кумитасида хам иштирок килаверарди. Пирмат Шермухаммад хам буш келмай, катта-катта концерт залларида Оролнинг хайрия концертларини утказар, олий укув юртларида катта адибларни йигиб Орол муаммосини мухокама эттирарди. Оролни асраш кумитасининг махсус фонди очилиб унга турли ташкилотлардан, одамлардан хайриялар туша бошлади. Бу хайрияларнинг бир кисмидан фойдаланиб Орол буйи ахолисига ёрдамлар хам уюштирилди, айрим фирма ва кичик корхоналарга арзон фоизлар билан кредитлар хам ажратила бошланди. Оролни асраш кумитасида турли туман комиссиялар тузилди. Жаъфарга “Сен хукук комиссиясига раислик киласан”, дейишди. Кумитанинг узида эса раисдан ташкари иш юритувчи, бухгалтер штатлари пайдо булди...

Хайрия концертлари хам узига хос буларди. Яъни хам концерт берилар, хам Орол хакида шеърлар укилар, кичик-кичик маърузалар хам айтилаверарди. Халклар дустлиги саройида утказилган хайрия концерларидан бирида Пирмат Шермухаммад Жаъфарга: “Сен хам чикиб бир-икки огиз гапир, каттикрок сузлайвер, шу орада танилиб кол”, деб колди. “Танилишга бало борми, уйлади, ичида, бир ёкда Орол куриётган булса, бир ёкда Кораколпок ва Хоразм ерларига туз ёгаётган булса”. Аммо Пирмат Шермухаммадга хеч нарса демади. Суз беришганда каттик суз айтди.

- Бу ерда асосан Амударёни сувини ичганлар утирган куринади. Амударё бечора хам суви камайиб, Оролга етолмай урта йулда колди. Биз бу ерда мажлислар килганимиз билан, хайрия концертлари уюштирганимиз билан Оролни улаётганини оммага ошкор кила оламиз, холос. Холбуки, Оролни куритган марказий хукумат. Биз уларга бориб, иложи булса, ёкасидан ушлаб, сенлар Оролни куритдинглар, сенлар уни тулдириб беришларингиз керак, деб талаб килишимиз керак, - деди. Ёшлар карсак чалишди. Кушик айтишга чиккан Отажон Худойшукур бу гапга куркиб кетдими, ёки Жаъфарни гапи бошига бало булиши мумкинлигини уйлаб, хазил килдими, хархолда:

- Хозир чикиб бир йигитимиз суз айтди. Масквадагиларни ёкасидан ушлаб, Оролни тулдиришни талаб килишимиз керак, деди. Аммо дустлар москвадагиларнинг ёкаси йук. Уларни ёкасидан ушлаш кийин, - деди.

Жаъфар сахна оркасидаги эшикдан дахлизга, ундан кучага чикиб кетди. Унга бу хил концертлардан кура бахс-мунозаралар купрок ёкарди.

Шу арафада Оролни фожиасини бутун дунёга ёйиш учун бу Москвада Орол кунларини утказиш керак, деган оммавий фикр тугилиб улгурганди. Пирмат Шермухаммаднинг бир яхши одати бор эди. Бирон ташаббус уртага ташланса, елиб-югуриб шуни амалга оширишга тиришарди. Бу ташаббусни хам куллаб-кувватлаб, Одил Ёкубов оркали Москваларга кунгирок килдириб, Олма-отадагилар билан богланиб, Узбекистон ва Козогистон вакиллари Москвада Орол кунларини утказадиган булишди. Москвадаги ёзувчилар уюшмаси биносида, “Дружба народов”, “Новуй мир” журналлари тахририятларида, СССР сув хужалиги министрлигида мажлислар булиб утди. Москвага келганлар ичида бир оз аввал Оролчиларнинг мажлисида “митинг килиш керак” деб хамманинг тилига тушган Абдурахим Пулатов хам бор эди.

Жаъфар гарчи чикиб сузлашга узини чоглаган булса-да, рус тилига нунок булгани учун бу мажлисларда индамай утирди. Пирмат Шермухаммад хамма мажлисларда Орол фожиаси хакида ахборотлар берар, хар бир журнал тахририяти ва адиб, олимларга Орол унинг ёрламига мухтожлигини уктирарди. Хусусан, “Новуй мир”нинг ходими Резниченко билан улар тил топишиб колишди ва у фожиа хакида журналда узлуксиз маколалар бериб боришга суз берди. Шу орада Козогистонлик делегатларни олиб келган Мухтор Шаханов ва Пирмат Шермухаммад бир нечта кишилар билан Москва телевидениесидан чикиш хам килдилар. “Новуй мир”даги мажлисда Жаъфар бир пайтлар “Литературная газета”нинг Узбекистондаги мухбири булиб ишлаган, Абдуллаевага карши курашиб юрганларида Гайбулла Ахмад икклалари учрашган Владимир Соколовни учратиб колди. Бу пайт Соколов Москвага кучиб келган ва редакциянинг узида ишлаётган эди. Жаъфар унга узининг “Кишлок хакикати”да босилган тепасига: “Баналминал адиб Владимир Соколовга багишлайман” деб ёзилган хикоясини такдим килди. “Узбекистон до стех пор Вас помнить” деб куйди. Соколов унга миннатдорчилик билдирди.

Сув хужалиги ва мелиорация вазирлигидаги учрашувлар хам аломат булди. Уларни вазирнинг узи кабул килди. Вазир оппок сочли кекса бир рус - Васильев деган киши. Бу вазир хакида афсоналар юрарди. Уни бу лавозимга Сталиннинг узи тайинлаган экан, демак сал кам 40 йилдан бери вазирлик килади. У уз вазирлигини «давлат ичидаги давлатга» айлантирипти. Ундан хукумат рахбарию хатто Политбюро аъзолари хам хайикишаркан. Коммунистларнинг «чулларни богларга айлантириш, керак булса табиатни хам узгартириш» режаларини хаётга жорий килиш айнан шу вазирликка юклатилан булгани учун, унга ажратилган маблагларнинг поёни йук, деган гаплар асоссиз эмасди, хар холда.

Вазир уларни яхши кутиб олди. Унинг спорт майдонидай келиб коладиган кабинети, турдаги узининг бахайбат иш столи, унинг кабулига келганлар учун мулжалланган улкан чарм копланган ва утирган одам «чукиб» кетадиган креслолар, хуллас хамма нарса, уша Сталин замонларини эслатиб турарди. Кабинет шундай жихозлангандики, бу ерга кирган одам узини бир кузга куринар-куринмас хашорат каби сезиши, кабинет хужайини сузларинигина тинглаб, хамма нарсага «хуп-хуп» деб чикиб кетабериши керак эди. Бунга ун йиллардан бери урганиб колган министр уйлаб утирмасдан ташаббусни уз кулига олди ва сув хужалигида килинаётган оламшумул ишлар ва бу ишларни бажаришда узлаштирилаётган улкан микдордаги пуллар, очилаётган курик ерлар, уларни ишлатишдан мамлакатга, оддий инсонларга келадиган фойдалар хакида партия ва хукумат минбарларидан туриб айтишга урганиб колган «ашуласини» айтабошлади.

Хеч бир муболагасиз уста бир сиёсатчи булган министр узининг куп йиллик тажрибасидан келиб чикиб, аввалгилари каби вактинчалик деб хисоблайдиган ошкоралик ва кайта куриш кампаниясининг шамолларини хам яхши хис киларди. Шунинг учун у Орол муаммосини хам узи тилга олиб, унинг атрофидаги муаммоларни узи хас-пушлаб кетиш максади билан гапини давом эттирди:

- Албатта, бундай улкан ишлар килинганда баъзи кутилмаган вокеалар хам уртага чикиши мумкин. Масалан, Орол муаммоси. Махаллий рахбарлар «бизда ахолининг усиши катта, одамларни бокиш, иш билан таъминлаш учун курик ерлар очишимиз керак, янги каналлар, мелиорация комплекслари куришимиз керак» деб бизга таклифлар билан чикдилар. Биз уларга ёрдам бердик, лекин улар Оролнинг куриши билан пайдо буладиган муаммоларни яхши уйлаб куришмаган экан. Мана бунинг натижаларини энди куриб турибмиз...

Министр шу йуналишда узок гапирди, нуткининг охири хам куринмасди.

- Сиз бизни Марказий Африка Республикасининг кабилаларидан келган одамлар деб хисоблаяпсиз, шекилли, - деган овоз Васильевнинг сузларини булди. Хамманинг диккати бу сузларни кесиб-кесиб, иддао билан айтган Абдурахим Пулатовга каратилди. – Биз бу муаммоларни жуда яхши урганганмиз. Тугри, янги ерлар очиш, янги пахтазорлар яратиш ташаббуси махаллий хокимиятлардан чикарди. Аммо уларнинг бу ташаббусларининг ташаббусчилари Москвада эди. Сиз, яъни Марказ, уларга ёки телефон килиб ёки одам юбориб шундай ташаббус билан чикишни буюрардингизлар, улар эса, албатта бу уларнинг айбини юволмайди, аммо бу бошка масала, улар эса буйрук бажаришарди халос.

Бундай кутилмаган гаплардан хамма катори Жаъфар хам котиб колди. Бу йигитнинг митингга чакириги хам холва эканку, Сталиннинг министри деб таърифланадиган одамни хам гангитиб куйди-я. Аммо министр хам хали эгардан тушадиганга ухшамасди.

- Сиз каерда ишлайсиз узи, ёш йигит, - деди Васильев бир неча сониялик сукунатдан сунг. Унинг товушида бир оз тахдид аломатлари хам йук эмасди.

- Мени бундай саволлар билан куркитаман деб уйламанг, ундай замонлар утиб кетган. Каерда ишлашим хам сир эмас, аммо унинг биз мухокама килятган масалага хеч дахли йук. Масала шундаки, Оролнинг куришига сабаб булган асосий нарса Узбекистонда жорий этилган пахта монокультурасидир. Бу эса уз навбатида СССРнинг пахта мустакиллигини таъминлашга каратилган сиёсатнинг натижаси. Бу сиёсатни Марказ юритган. Окибатда, бир тарафдан, Орол куриб экологик фожеага дучор булдик, бошка тарафдан, монокультура Узбекистоннинг иктисодини ва умуман келажагини инкирозга махкум килди.

Нихоят министр отдан хам эгардан хам тушди:

- Уртоклар, тушунинглар, жуда огир вазиятда ишлаяпмиз. Бизга енгил деб уйламанг, - деб гап бошлаган министр оддий бир шикоятчига ухшаб колганди. У СССРнинг катта давлат эканлигию бошкариш кийинчиликларидан бошлаб, етук кадрлар ва маблаг етишмаслиги ва бошка унлаб муаммоларни санашга утиб, бундай шароитда министрликни бошкариш канчалик огир эканлигини таъкидлайбошлади. Унинг навбатдаги монологини яна Абдурахим Пулатов булди:

- Модомики, азифа шунчалик огир экан, Сиз истеъфога чикинг, вассалом. Бу ишни бошкалар килсин.

Бу учрашувда катнашаётган таникли рус ёзувчиси, “Новуй мир” журналининг Бош редактори Залугин уша куни «Свобода» радиосида килган чикишида «СССРнинг янги тарихида биринчи марта юксак лавозим эгасидан, яъни министрдан истеъфога чикиш талаб килинди. Ва бу талабни Орол атрофидаги фожеадан куюнаятган узбеклар килдилар», деди ута мануният билан.

Учрашувдан хамон кейин Жаъфар билан бирга министрликдан чикиб келятган Абдурахимни икки киши уртага олишди. Йук, булар КГБчилар хам эмас, умуман урислар хам эмасдилар, ва айнан шу сабабли улар яна хам куркинчли эканликлари аник. Бу икки кишини Узбекистонда купчилик танийди. Улардан бири - «тургунлик йиллари» деб ном олган даврда Тошкент вилояти коммунистларига сардорлик килиб, кайта куриш йиллари янгигина тузилган Табиатни мухофаза килиш давлат кумитасининг раисилигига туширилган Темир Алимов, иккинчиси эса Тошкентдаги Кишлок хужалигини ирригация ва мелиорациялаштириш институтининг профессори С.Усмонов эди. Узбекистондан келган хайъатнинг аъзолари булган бу икки киши учрашувлардаги бахс-мунозараларда ортикча катнашишмас, узларини кузатувчидек тутишарди. Гапни Темур Алимов бошлади:

- Абдурахим, Сиз билан бир неча ойдан бери танишмиз. Табиатни мухофаза килиш, хусусан Орол денгизи муаммоларига багишланган бир катор йигилишларда бирга булдик. Бу масалалар хозир хукуматнинг хам диккат марказида. Мана мен бу ерда хам хукумат аъзоси сифатида сизлар билан биргаман. Сизнинг фикр-мулохазаларингизга кушиламан. Лекин бир илтимосим бор. Келинг, Орол муаммоларини очикча кутарайлик, аммо пахта монокультураси сузини ишлатмайлик, монокультура сиёсати каердан юритилаётганини гапирмайлик. Буни ишимизга унча алокаси йук, аммо бизга, узингизга зарар келтириши мумкин.

Бундан кейин булган киска, аммо жушкин бахсга Абдурахимнинг узи нукта куйди:

- Орол фожеасининг ва умуман Узбекистондаги иктисодий инкирознинг сабабчиси пахта монокультураси эканлигини ва монокультура сиёсати Москвадан юритилаёганини гапирмаслик бекорчи иш билан шугулланишдир. Узр, лекин шу сабабли, Сизнинг таклифингиз мен учун хеч кабул килиб булмайдиган нарса.

Мулойимлик, айни замонда катъийлик билан айтилган бу гапдан кейин мавзу битган эди.




(Давоми бор. Боши журналнинг 28-сонида)